| 1. |
Die Wes-Kaap Onderwysdepartement (WKOD) kondig met genoee die voortsetting van diensleererkenning as 'n glanspunt van sy program in September 2018 aan. |
| 2. |
Histories het die WKOD amptelik die werk van opvoeders en die prestasie van skole oor die algemeen erken. Daar word egter besef dat die skitterende, innoverende werk wat deur baie van ons leerders gedoen word, nie altyd dieselfde erkenning as die van die opvoeders geniet nie. |
| 3. |
Die Provinsiale Minister van Onderwys ondersteun die idee dat die WKOD die jaarlikse Diensleertoekennings, wat as die WKOD-Diensleertoekennings bekend sal staan, van stapel stuur. |
| 4. |
Dit is die voorneme van die WKOD om die projek te versterk en te verbeter soos dit ontwikkel. |
| 5. |
Diensleer is 'n onderrig-en-leer-model wat reeds in baie werelddele gevestig is. Die doel daarvan is om betekenisvolle gemeenskapsdiens met instruksie en nabetragting te integreer om die leerervaring te verryk, burgerlike verantwoordelikheid te leer en gemeenskappe te versterk. |
| 6. |
Hoewel baie skole in die Wes-Kaap by gemeenskapsverwante werk betrokke is, is geen programmatiese en provinsiewye erkenning van leerders se leer wat aan gemeenskapsdiens gekoppel is tot dusver gegee nie. |
| 7. |
Oor die algemeen benodig gemeenskappe al hoe meer mense - veral jong mense - om betrokke te raak by 'n sosiale kontrak wat die ruggraat van ons gemeenskappe - veral in histories gemarginaliseerde sosiale kontekste - wil herbou. |
| 8. |
Die deelnemingsreels is in die meegaande inligtingsgids vervat. Daar word van die prinsipaal en die Onderwyserskakelbeampte (OSB) verantwoordelik vir die skool se Verteenwoordigende Raad van Leerders (VRL) verwag om die VRL-lede te help om hierdie onderneming self te bestuur sodat hulle opgelei kan word om sodanige opdragte te hanteer. |
| 9. |
Hoewel die WKOD aanvanklik na bestaande projekte en inisiatiewe gaan kyk, is die voorneme ook om kapasiteit dinamies te bou en deelname aan te moedig in skole wat nie sodanige aktiwiteite het nie. Dit sal deur die Veilige Skole-naskoolintervensie gedoen word. |
| 10. |
In hierdie opsig word beheerliggame aangemoedig om seker te maak dat hul skole duidelike, identifiseerbare naskoolprogramme het wat elke jaar verbeter sal word. |
| 11. |
Hierdie program kan die manier waarop leerders na die gemeenskap kyk, verander. Prinsipale word aangemoedig om leerders te inspireer om beter burgers te wil wees, want hierdie inisiatief het die potensiaal om sosiale kohesie te verbeter en beter menseverhoudinge te kweek. |
| 12. |
Die riglyne en 'n aansoekvorm is by die omsendbrief aangeheg. |
| 13. |
Bring asseblief die inhoud van hierdie omsendbrief onder die aandag van alle VLRfe en beheerliggame van skole. |
GETEKEN: BK SCHREUDER
HOOF: ONDERWYS
DATUM: 2018:07:27
|
 |