| 1. |
Soos uiteengesit in die aangehegte brief van die Departement van Basiese Onderwys (DBO), gedateer 22 November 2017, sal die DBO werkboeke vir die 2019 skoolkalenderjaar druk en aan alle openbare skole (gewone en spesiale) in die Wes-Kaap versprei. |
| 1.1 |
Die volgende boeke sal direk by skole afgelewer word: |
| 1.1.2 |
Grade 1 tot 6 Huistale |
| 1.1.3 |
Grade 1 tot 3 Wiskunde in die taal van leer en onderrig (TLO) |
| 1.1.4 |
Grade 4 tot 9 Wiskunde in Engels en Afrikaans |
| 1.1.5 |
Grade 1 tot 6 Eerste Addisionele Taal in Engels |
| 1.1.6 |
Grade 1 tot 3 Lewensvaardighede |
| 1.2 |
Volume 1 vir 2019 (kwartale 1 en 2) en graad R sal teen 28 September 2018 by alle skole afgelewer word. |
| 1.3 |
Volume 2 vir 2019 (kwartale 3 en 4) sal teen 30 November 2018 by alle skole afgelewer word. |
| 2. |
Gedurende Maart 2018 is die Wes-Kaap Onderwysdepartement (WKOD) versoek om die DBO van die geprojekteerde leerdergetalle te voorsien vir werkboeke wat vir 2019 gedruk en afgelewer moet word. Die leerdergetalle wat aan die DBO voorsien is, is gebaseer op die betrokke Sentrale Onderwysbestuursinligtingstelsel (SOBIS) se inligting wat op daardie tydstip beskikbaar was. |
| 3. |
Die getal werkboeke wat by elke skool afgelewer moet word, stem ooreen met die leerdergetalle wat deur die WKOD aan die DBO voorsien is. Die getal werkboeke wat skole volgens graad van die DBO vir aflewering kan verwag, kan op die leer- en onderrigondersteuningsmateriaal (LOOM) (KABV-handboeke) se webblad op die WKOD-webwerf (die webwerfadres is: http://wcedonline.pgwc.gov.za/branchPS/LTSM/index.html) besigtig word. |
| 4. |
'n Riglyndokument wat die prosedure voor en tydens die aflewering van die werkboeke uiteensit, is by hierdie omsendbrief as Bylae A aangeheg. |
| 5. |
Wanneer die werkboeke deur die DBO-diensverskaffer afgelewer word, moet skole die getal werkboeke wat afgelewer is met die getalle wat op die bogenoemde webwerf voorsien is, vergelyk. Enige aflewerings in die verkeerde taal of enige tekorte moet op die afleweringsbewys (AB) aangedui en met die diensverskaffer wat die werkboeke namens die DBO afgelewer het, opgeneem word. |
| 6. |
Die DBO laai die ABfe van elke skool op http://www.schoolmaster.org.za en distrikte word aangemoedig om toegang tot hierdie webwerf te verkry om hulle afleweringsbesonderhede te verifieer. Die skool se Onderwysbestuursinligtingstelsel (OBIS)-nommer kan gebruik word om op die webwerf aan te teken. |
| 7. |
Gedurende Oktober 2018 sal daar van alle skole waar handboeke afgelewer is, verwag word om die geprojekteerde leerdergetalle vir 2019 en die werklike getal werkboeke van elke vak wat van die DBO ontvang is, volgens graad op SOBIS vas te le. Tekorte en surplusse sal dus geidentifiseer en aan die distrikte deurgegee word. Die verslag sal op EduInfoSearch beskikbaar gestel word. |
| 8. |
Die tersaaklike distriksamptenare sal vir die fasilitering van die verspreiding van werkboeke wat as tekorte aangewys is, verantwoordelik wees. |
| 9. |
Bring asseblief die inhoud van hierdie omsendbrief onder die aandag van alle tersaaklike personeel. |
GETEKEN: BK SCHREUDER
HOOF: ONDERWYS
DATUM: 2018:07:27
|
 |