1. |
Die Raad van Onderwysministers (ROM) het die 2018 Nasionale Seniorsertifikaat- (NSS-) eksamenrooster goedgekeur. Dit is in Omsendbrief 0006/2018, gedateer 25 Januarie 2018 bekendgemaak. |
2. |
Die Departement van Basiese Onderwys (DBO) het die datums vir die aflę van die Suid-Afrikaanse Gebaretaal Huistaal (SAGTHT) bekendgemaak. Dit is in Omsendbrief 0018/2018, gedateer 21 April 2018 uitgereik. |
3. |
Na aanleiding van die insette van verskeie belanghebbendes, is daar besluit om die datums vir die 2018 SAGTHT NSS-eksamens soos volg te wysig:
- SAGTHT V1 sal op Dinsdag, 06 November 2018 om 09:00 geskryf word
- SAGTHT V2 sal op Donderdag, 15 November 2018 om 09:00 geskryf word
- SAGTHT V3 sal op Dinsdag, 20 November 2018 om 09:00 geskryf word
|
4. |
Die datums vir die SAGTHT voorbereidende eksamens vir Graad 12 word soos volg gewysig:
- SAGTHT V1 sal op Maandag, 13 Augustus 2018 om 09:00 geskryf word
- SAGTHT V2 sal op Woensdag, 15 Augustus 2018 om 09:00 geskryf word
- SAGTHT V3 sal op Vrydag, 17 Augustus 2018 om 09:00 geskryf word
|
5. |
Die voorbereidende eksamens sal sentraal in Pretoria nagesien word. Die nasiendatums is vanaf 28 tot 31 Augustus 2018. |
6. |
Die DBO sal die modererings van die Skoolgebaseerde Assessering (SGA) en van Vraestel 4 (Waarnemings en Gebaretaal) in elke provinsie lei. Elke leerder se SGA-portefeulje en SAGTHT Vraestel 4 sal deur 'n span modereerders wat deur die DBO aangestel is, gemodereer word. |
7. |
Die modereringsrooster is soos volg:
Skool |
Getal leerders – Graad 12 |
Modereringsdatums |
De La Bat-skool |
1 |
25 September 2018 |
Dominikaanse Skool vir Dowes |
3 |
25 September 2018 |
|
8. |
Bring asseblief die inhoud van hierdie omsendbrief en die gewysigde provinsiale 2018 Nasionale Senior Sertifikaat-eksamenrooster (Bylae A) onder die aandag van alle leerders wat Suid-Afrikaanse Gebaretaal Huistaal as vak neem. |
GETEKEN: BK SCHREUDER
HOOF: ONDERWYS
DATUM: 2018:07:10
|
|