1. Die Departement van Basiese Onderwys (DBO) het Omsendbrief S13 van 2015, gedateer 22 Julie 2015, aangaande die inkrementele implementering van VOOliteratuur vanaf 2016 tot 2018 uitgereik.

2. Omsendbrief S13 vereis dat literatuur vir graad 10 in 2018 geïmplementeer moet word, ooreenkomstig die aangehegte National Catalogue of FET Literature for Grade 10 to 12 (2015). Verskeie gapings in die vakmateriaal is in die bovermelde katalogus geïdentifiseer. Die DBO het egter laat weet dat hulle tans besig is om die bestaande gapings te vul en dat hulle ’n hersiene katalogus sal uitreik sodra die proses afgehandel is.

3. Daar word dus van skole vereis om VOO-literatuur vir graad 11 vir studie in 2019 volgens die riglyne, wat in punt 4 hieronder verskaf is, te bestel.

4. Skole moet die volgende vereistes van die Kurrikulum- en Assesseringsbeleidsverklaring (KABV) nakom wanneer literatuurboeke bestel word:

  1. Huistaal: een Roman, een Drama en een Bloemlesing. Vir Afrikatale kan die Roman met Volkskunde vervang word.
  2. Eerste Addisionele Taal: enige twee van die genres – Roman, Digkuns, Drama en Kort Stories.
  3. Tweede Addisionele Taal: enige een van die genres – Roman, Digkuns, Drama en Kort Stories.
5. In die volgende gevalle word geen literatuuropsies verskaf nie:

  1. Afrikaans Tweede Addisionele Taal: Geen Drama-, Digkuns- of Kort Stories-opsies nie.
  2. Engels Tweede Addisionele Taal: Geen Kort Stories- of Digkunsopsies nie.
  3. Xhosa Eerste Addisionele Taal: Geen Kort Stories-opsies nie.
  4. Xhosa Tweede Addisionele Taal: Geen genre-opsies nie.
  5. Sotho Eerste en Tweede Addisionale Taal: Geen genre-opsies nie.
  6. Tswana Eerste Addisionele Taal: Geen Drama-, Digkuns- of Kort Stories-opsies nie.
  7. Tswana Huistaal: Geen Drama-opsies nie.
6. Daar word van skole verwag om hul bestaande literatuurtitels vir die bovermelde genres te gebruik om die gapings in die National Catalogue for Grade 11 te vul.

7. Skole moet die aangehegte bestelvorm vir die vereiste getal VOO-literatuurboeke vir graad 11 invul. Die getal boeke wat per geselekteerde genre benodig word, moet aangedui word.

8. Die ingevulde vorm moet teen Vrydag, 01 Junie 2018 per e-pos na Shameez.Gurah@westerncape.gov.za gestuur word.

9. Die Wes-Kaap Onderwysdepartement sal die koste van die nuut aangeskafde literatuurboeke vir graad 11 dra.

10. Bring asseblief die inhoud van hierdie omsendbrief onder die aandag van alle betrokkenes.


GETEKEN: BK SCHREUDER
HOOF: ONDERWYS
DATUM: 2018:05:28

"Grade 11 literature catalogue template 2018-19"  (grootte: 40 KB)