| 1. |
Ingesluit is 'n afskrif van die finale rooster vir die Februarie-Maart 2018 Nasionale Senior Sertifikaat- (NSS) aanvullende eksamen. |
| 2. |
Die NSS- aanvullende eksamen is geskeduleer om op 19 Februarie 2018 te begin en op 27 Maart 2018 ten einde te loop. |
| 3. |
Dit sal die laaste aanvullende eksamen wees omdat net twee eksamens vanaf 2019 geskryf sal word 'n in Junie 2019 en November 2019. |
| 4. |
Twee eksamensessies is vir elke dag geskeduleer. Die oggendsessie sal om 09:00 begin en die namiddagsessie om 14:00. |
| 5. |
Eksamensentrums vir die skryf van die NSS- aanvullende eksamen sal by sekondere skole en ander lokale, soos deur die Wes-Kaap Onderwysdepartement (WKOD) bepaal, geskep word. |
| 6. |
Soos in hul ondertekende kontrakte bepaal is, sal eksterne opsieners wat by die afneem van die November 2017 NSS-eksamen betrokke was, gebruik word om by hierdie eksamen toesig te hou. Die 2017 senior opsiener sal as 'n hoofopsiener vir die 2018 NSS- aanvullende eksamen dien. |
| 7. |
Die hoofopsiener moet seker maak dat kandidate die eksamenlokaal 35 minute voor die amptelike aanvangstyd van die eksamensessie binnegaan. Hierdie tyd moet soos volg benut word: |
| 7.1 |
Die eerste 25 minute moet gebruik word om die kandidate in hul korrekte sitplekke te laat sit, om die vraestelle uit te deel, ens. |
| 7.2 |
Gedurende die volgende 10 minute moet kandidate die geleentheid kry om deur die vraestel te lees. |
| 7.3 |
Niemand mag gedurende enige deel van hierdie 35 minute skryf of aantekeninge maak nie. Enige oortreding van hierdie reel sal as 'n onreelmatigheid beskou word. |
| 7.4 |
Kandidate moet ophou skryf op die tyd wat op die eksamenrooster aangedui word. |
| 8. |
Registrasievorms vir die NSS- aanvullende eksamen is gestuur na alle kandidate wat vir die eksamen kwalifiseer. |
| 9. |
Die 2018 NSS- aanvullende eksamenrooster sal ook op die WKOD se webwerf beskikbaar gestel word by https://wcedonline.westerncape.gov.za. |
GETEKEN: BK SCHREUDER
HOOF: ONDERWYS
DATUM: 2018:01:02
|
 |