1. Ingevolge artikel 42(b) van die Suid-Afrikaanse Skolewet (SASW), 1996 (Wet 84 van 1996), soos gewysig, moet die beheerliggaam van . openbare skool so spoedig moontlik, maar nie later nie as drie maande na die einde van elke boekjaar, d.w.s. 31 Maart, finansiele jaarstate in ooreenstemming met die riglyne, soos bepaal deur die Provinsiale Minister van Onderwys, opstel.
2. Die Wes-Kaap Onderwysdepartement (WKOD) het nie voorheen riglyne ingevolge artikel 42(b) van die SASW uitgereik nie, maar wel aanwysings soos vervat in Hoofstuk A en I van die handleiding, Basic Financial System for Schools, ingesluit. Die handleiding is ingevolge artikel 37(1) van die SASW deur die Hoof van die Departement uitgereik.
3. Die aangehegte riglyne is nou deur die Provinsiale Minister vasgestel en word dus ingevolge artikel 42(b) van die SASW uitgereik. Daar word van beheerliggame van alle openbare skole verwag om hul finansiele jaarstate in ooreenstemming met die aangehegte riglyne op te stel.
4. Maak asseblief seker dat die inhoud van hierdie omsendbrief onder die aandag van alle betrokkenes geb ring word, die skool se ouditeur ingesluit.


GETEKEN: P BEETS
WAARNEMENDE HOOF: ONDERWYS
DATUM: 2018:04:04

"South African Schools Act (SASA), 1996 (Act 84 of 1996)"  (grootte: 255 KB)
Riglyne vir die opstel van finansiële jaarstate  (grootte: 127 KB)
Bylae A-J  (grootte: 219 KB)