1. Die Raad vir Onderwysministers (ROM) het die 2018 Nasionale Senior Sertifikaat (NSS)- eksamenrooster goedgekeur. Dit is in Omsendbrief 0006/2018, gedateer 25 Januarie 2018 bekendgemaak.

2. Die Departement van Basiese Onderwys (DBO) het verneem dat Suid-Afrikaanse Gebaretaal Huistaal (SAGTHT) verkeerdelik uit die rooster weggelaat is.

3. Ten einde te verseker dat die leerders wat SAGTHT as vak neem ook geakkommodeer word, word die aandag op die volgende belangrike toevoegings tot die 2018 NSSrooster gevestig:

  1. SAGTHT V1 sal op Dinsdag, 06 November 2018 om 09:00 geskryf word.

  2. SAGTHT V2 sal op Dinsdag, 13 November 2018 om 09:00 geskryf word.

  3. SAGTHT V3 sal op Dinsdag, 20 November 2018 om 14:00 geskryf word.
4. Dit beteken dat die SAGTHT-vraestelle op dieselfde datums as die vraestelle vir Sepedi, Sesotho, Xitsonga en Tshivenda geskryf sal word.

5. Bring asseblief die inhoud van hierdie omsendbrief en die gewysigde Provinsiale 2018 Nasionale Senior Sertifikaat-eksamenrooster (Bylae A) onder die aandag van alle leerders wat Suid-Afrikaanse Gebaretaal Huistaal as vak neem.


GETEKEN: BK SCHREUDER
HOOF: ONDERWYS
DATUM: 2018:04:21

Nasionale Senior Sertifikaat-eksamenrooster Oktober - November 2017 (Finale - 2de Aangepas)  (grootte: 85 KB)