| 1. |
Skole word hiermee in kennis gestel van die eerste aanlyn geleentheid, vanaf 02 tot 11 Mei 2018, om skryfbehoeftes en skoonmaakbenodigdhede vir gebruik in 2019 te bestel. |
| 3. |
In 2017 is skole in Omsendbrief 0031/2017 ingelig oor die twee afsonderlike kontrakte
wat deur die Wes-Kaap Onderwysdepartement (WKOD) gesluit is om skryfbehoeftes en skoonmaakbenodigdhede te bestel en die bestelproses wat volgens die genoemde kontrakte, wat op nie-artikel 21 skole van toepassing is, gevolg moet word. |
| 4. |
Riglyne sal op SOBIS verskaf word om te verduidelik hoe skryfbehoeftes en skoonmaakbenodigdhede vasgelê en afgeteken moet word. |
| 5. |
Soos verduidelik in omsendbrief 0032/2017, sal die Wes-Kaap Onderwysdepartement (WKOD) namens nie-artikel 21-skole bestellings vir die aangevraagde skryfbehoeftes en skoonmaakbenodigdhede, tuin- en elektriese voorraad by die gekontrakteerde verskaffer, Masiqhame Trading 1057 BK, plaas. |
| 6. |
Skole kan net . aanlynbestelling vir die gelyste items in die skryfbehoefte- en skoonmaakbenodigdhede-, tuin- en elektriesevoorraadkatalogusse (hierby aangeheg) plaas. Wat jaar een betref, is hierdie katalogusse net tot 30 September 2018 geldig. |
| 7. |
Let asseblief daarop dat die kontrak vir skryfbehoeftes nie die voorsiening en aflewering van kopieerpapier of inkhouertjies vir drukkers bied nie. Hierdie items, asook ander items, wat nie in die katalogusse gelys is nie, sal afsonderlik aangevra word deur kwotasies wat deur Integrated Procurement Solutions (IPS) gevra is. Skole moet, nie later nie as 11 Mei 2018, rekwisisies (WKOD 026-vorms) in hierdie opsig by die LOOM-kantoor indien om tydige aflewering te verseker. |
| 8. |
Daar sal van skole verwag word om hul Norme-en-standaarde (N&S) -befondsing vir plaaslike aankope te gebruik om al hul behoeftes ten opsigte van skryfbehoeftes- en skoonmaakbenodigdhede, tuin- en elektriese voorraad te dek. Daarom is dit baie belangrik dat skole noukeurig beplan om te bepaal hoe hulle hul N&S-befondsing bestuur om die beskikbaarheid van voldoende fondse vir hul vereistes te verseker. Skole sal in hierdie opsig bygestaan word deurdat hul bestellings en die waarde daarvan bevestig sal word sodra hul bestellings uitgereik word. |
| 9. |
Skole word aangemoedig om hierdie geleentheid te gebruik om die grootste gedeelte van hul behoeftes te bestel. Vanaf 30 Julie tot 08 Augustus 2018 sal hulle . tweede geleentheid gegun word om enige verdere items te bestel om addisionele behoeftes, wat steeds mag bestaan, te dek. |
| 10. |
Bring asseblief die inhoud van hierdie omsendbrief onder die aandag van alle betrokke amptenare. |
GETEKEN: PAD BEETS
WAARNEMENDE HOOF: ONDERWYS
DATUM: 2018:04:04
|
 |