4. Daar word verklaar dat die Aansoeker [d.i. me. Saffer] daarop geregtig was dat haar aansoeke om vrystelling van die betaling van skoolgeld en die verwante appèlle op die manier soos hierna uiteengesit, hanteer word, met verwysing na die Regulations relating to the Exemption of Parents from Payment of School Fees in Public Schools (Staatskennisgewing R.1052 in Staatskoerant 29311 van 18 Oktober 2006) soos gewysig ("die Regulasies"). Alle openbare skole, beheerliggame en onderwysdepartemente moet ten aansien van die Aansoeker en alle ander ouers wat in dieselfde of soortgelyke situasie as die Aansoeker is hieraan voldoen:

1. Die beheerliggaam van ’n openbare skool sal ’n voorwaardelike vrystelling van betaling van skoolgeld toestaan, soos na verwys in Regulasie 1 van die Regulasies, aan ’n ouer wat:
   1. in sy of haar aansoek om vrystelling:

      aa	besonderhede van sy of haar totale bruto jaarlikse inkomste gee; en
      bb	nie besonderhede van die totale bruto jaarlikse inkomste vir die ander ouer van die betrokke leerder gee nie omdat die ander ouer geweier of nagelaat het om sodanige besonderhede vir die ouer wat om vrystelling aansoek doen, te gee; en

   2. na aanleiding van net sy of haar totale bruto jaarlikse inkomste, vir ’n volle of gedeeltelike vrystelling ingevolge die Regulasies sou kwalifiseer as hy of sy die enigste ouer van die betrokke leerder was.

2. 'n Voorwaardelike vrystelling sal die volle vrystelling of die gedeeltelike vrystelling wees waarop die aansoeker geregtig sou wees as hy of sy die enigste ouer van die betrokke leerder was.

3. Wanneer sodanige voorwaardelike vrystelling toegestaan word, sal die beheerliggaam voorwaardes stel ten effekte dat die aansoeker wat vrystelling versoek het:
   1. onverwyld enige verhoging ten opsigte van sy of haar bruto jaarlikse inkomste tydens die betrokke skooljaar by die skool moet aanmeld wat, as dit sy of haar inkomste tydens die aansoek om vrystelling was, hy of sy nie op die ontvangs van die volle of gedeeltelike vrystelling geregtig sou wees nie;

   2. wanneer die beheerliggaam so versoek, die skoolgeld of die gedeelte van die skoolgeld waarvoor hy of sy ingevolge die Regulasies verantwoordelik sou wees, gebaseer op sy of haar toenemende bruto jaarlikse inkomste; moet betaal op redelike terme wat deur die beheerliggaam bepaal is nadat hy of sy geleentheid tot vertoe gehad het;

   3. nie aanspreeklik gehou sal word om enige sodanige betaling te maak tensy sy of haar bruto jaarlikse inkoms tydens die betrokke skooljaar sodanig verhoog het dat, indien dit sy of haar inkomste was tydens die tyd toe aansoek om vrystelling gedoen is, hy of sy nie geregtig om ontvangs van die volle of gedeeltelike vrystelling sou wees nie of hy of sy sou op 'n kleiner gedeeltelike vrystelling as dit wat aan hom of haar toegestaan is, geregtig wees.

5. Daar word verklaar dat die toekenning van sodanige voorwaardelike vrystelling nie die openbare skool sal verhinder om regstappe te doen om betaling van die skoolgeld of die balans van die skoolgeld, hoe dit ook al mag wees, ingevolge artikel 41(1) van die Wet [(d.i. die Suid-Afrikaanse Skolewet, 1996 (Wet 84 van 1996)] deur die ander ouer van die betrokke leerder af te dwing nie.

dan is die skool verplig om 'n voorwaardelike vrystelling van betaling van die skoolgeld - gelykstaande aan die volle of gedeeltelike vrystelling waarop die ouer wat aansoek doen geregtig sou wees indien hy of sy die enigste ouer van die leerder was, aan die ouer wat aansoek doen toe te staan.

is die skool daarop geregtig om die toepaslike verlaging in die vrystelling (en die gevolglike verhoging in die skoolgeld betaalbaar deur die ouer) te bereken en, nadat die ouer 'n redelike geleentheid gekry het om vertoe, indien enige, ten opsigte van die betalingsterme wat die ouer as redelik beskou te rig, is die skool voorts daarop geregtig om die verhoogde skoolgeld by die ouer te eis.