| 1. |
Imigaqo ehlaziyiweyo Procedures for the Establishment and Election of Governing Bodies at Public Schools Regulations, 2017 eyapapashwa kwiGazethi yePhondo eyoNgezelelweyo (Provincial Gazette Extraordinary) No. 7810 ye-17 Agasti 2017, ivumela ukuba ibhunga lolawulo lifake isicelo sokutyeka kwinkqubo yokutyumba nokunyula amalungu angabazali, kumlawuli wesithili, zingadlulanga iintsuku eziyi-60 phambi komhla wonyulo. IsiHlomelo A siqulethe ifom emayisetyenziswe zizikolo ukufaka isicelo kumlawuli wesithili ngokuqala zigqithe kumphathi wesekethe. |
| 2. |
Nakuphi na ukutyeka ekufakwe isicelo ngako makube kokukhuthaza nokulungiselela abahlali besikolo ngeyona ndlela ibhetele, okuvumela ukuthatha inxaxheba kwabazali abaninzi abanqwenela ukuvota, okungamcaluli ngokungenabulungisa lowo ungumvoti olindelekileyo, nokuvumela inkqubo yokutyunjwa enobulungisa ngethuba eliphambi konyulo yaye izikolo maziqinisekise ukuba abazali bayaziswa ngokusemthethweni ngeenkcukacha zabagqatswa. |
| 3. |
Isicelo esivela esikolweni masixhaswe ngokupheleleyo zizizathu ezivokothekileyo yaye masibonise ngokucacileyo umhla, ixesha nendlela isikolo esijonge ukuyilawula ngayo inkqubo yokutyumba nonyulo yamalungu angabazali bebhunga lolawulo. |
| 4. |
Izikolo mazithathele ingqalelo esi sikhokelo sincinane silandelayo phambi kokwenza isicelo kwiSebe leMfundo leNtshona Koloni (iSebe iWCED) sokutyeka kwinkqubo yokubamba usuku lonyulo olunye lokutyumba nonyulo: |
| 4.1 |
Malibe likuvumile ukubanjwa konyulo igosa lonyulo oku yaye malibekho ngethuba layo yonke inkqubo yonyulo. Kule meko, inkqubo yonyulo ibhekisa kumathuba amaxesha abazali abanokuvota ngawo, oko kukuthi ithuba elandisiweyo elinye okanye amathuba amaninzi amisiweyo ekuhambeni kwemini. |
| 4.2 |
Kuya kusebenza imigaqo yokhuselo nokhuseleko efanelekileyo neyimpumelelo ukuqinisekisa ukuba kugciniwe ukuthembeka konyulo ngalo lonke ithuba lokuqhutywa kwalo. |
| 4.3 |
Imbalelwano eya kubazali mayiqinisekise ukuba baya kwaziswa ngokupheleleyo nangokuyimpumelelo ngemiqago yokutyumba nonyulo eza kusetyenziswa. |
| 5. |
Ukwenzela ukuba lube semthethweni unyulo olubanjwe ngokungqinelana nale Migaqo kwanokuba abagqatswa abatyunjiweyo baqwalaselwe njengabanyuliweyo, makube kuvote kunyulo ikhoram yabazali elishumi lepesenti ubuncinane yenani lilonke labazali abakuluhlu lwabavoti. Makuqatshelwe ukuba nokuba ngaba inani labatyunjiweyo lilingana nenani lamalungu angabazali kwibhunga lolawulo, makuvotwe nakuba kunjalo, yaye makufunyanwe inani eliyikhoram, yaye xa kungaphumeleliyo oko, makuqhutywe unyulo oluya kulandela olu. |
| 6. |
Ibhunga lolawulo elinganelisekanga sisigqibo somlawuli wesithili linokufaka isibheno kwiNtloko yeSebe (Head of Department (HoD)) zingadlulanga iintsuku eziyi-14 emva kokufumana isigqibo somlawuli wesithili. |
| 7. |
Kucelwa wazise okuqulethwe yile setyhula bonke abasebenzi namalungu ebhunga lolawulo ukwenzela ukuba bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2017:10:21
|
 |