Iinkcukacha zolwabiwo-mali ngokwemimiselo nemigangatho (N&S allocation) yolwabiwo-mali yeBakala R kunyaka-mali oqala ngowe-01 Apreli 2018 ukuya kwi-31 Matshi 2019 ziyafumaneka kwi-CEMIS yaye zingafikelelwa ngale ndlela ilandelayo:

• Loga kwi-CEMIS.
• Klikha ku-"Proceed" uze ukhethe u-"Administration" kwi-menu bar, uze uklikhe ku-"Norms and Standards Allocation" uze ukhethe u-"N&S 2018".
• Printa ikhasi elo.

Kucelwa uqwalasele oku kulandelayo:

Ulwabiwo lweemali lwenziwa ngokweMimiselo neMigangatho kaZwelonke i-National Norms and Standards for Grade R Funding, efakelwe izilungiso kwi-Gazethi kaRhulumente No. 29179 ye-31 Agasti 2006.

Ileta yesabelo senkxaso-mali ibandakanya iinkcukacha zesabelo esiqikelelweyo sonyaka-mali 2018/19, kwakunye nezabelo zethutyana (provisional allocations) zoonyaka-mali ababini abalandelelanayo, o.k.t. u-2019/20 no-2020/21.

Zonke izabelo zabalwa ngokwamanani obhaliso lwabafundi kwi-CEMIS.

Kuvunyiwe ukuhlawulwa kwezi nkxaso-mali zilandelayo zabafundi abakwiiklasi zeBakala R ezivunyiweyo kwizikolo zikarhulumente eziqhelekileyo nabakumaziko abhalisiweyo ophuhliso lwemfundo yabafundi abasaqalayo nakumaziko azimeleyo ukususela ngowe-01 Apreli 2018:

Inkxaso-mali ngomfundi ngamnye (Per capita subsidy):

Isixa sesabelo-mali sezibonelelo ezixhasa ukufunda nokufundisa (LTSM):
Kwizikolo ezingabizi zifizi, kuhlawulwa isixa esiyi-R2 124 ngenyanga ngeklasi nganye efundiswa ngutitshala/yipraktishina nganye ehlawulwa liSebe leMfundo leNtshona Koloni (iWCED).

Esona sixa sesabelo-mali sisezantsi:
Zonke izikolo zikarhulumente eziqhelekileyo ezinabafundi abangaphantsi kwabayi-25 zinelungelo lokufumana inkxaso-mali eyeyona isezantsi eyi-R128 412 ngonyaka.

Isikolo ngasinye esiyipri-prayimari karhulumente siya kufumana kuphela isabelo-mali se-N&S esiyi-R19 ngomfundi ngamnye ngosuku ngosuku ngalunye.

Inkxaso-mali ngomfundi ngamnye (Per capita subsidy):

Kubalulekile ukuqaphela ukuba:

• Bonke abafundi beBakala R mabafakwe/mababhaliswe kwi-CEMIS;
• Umfundi weBakala R ngamnye makabe ukwiklasi yeBakala R; nokuba
• utitshala/ipraktishina yeBakala R mayibe uyinxenye yeklasi nganye yeBakala R.

Kusemva kokuba kwenzekile oku kungentla, apho kunokungeniswa ibango lentlawulo yenkxaso-mali yeBakala R.

• Loga kwi-CEMIS.
• Klikha ku-"Proceed" uze ukhethe u-"Administration" kwi-menu bar uze uklikhe ku- "Gr R Subsidy".
• Khetha u-"Submit Application".

Uyacelwa uzalise amacandelo achaphazelekayo afunekayo uze uluprinte uxwebhu lwebango lenkxaso-mali yesikolo ukwenzela injongo yokugcinwa kweerekhodi emva kokuba ibango lingenisiwe. Ibango lenkxaso-mali lesikolo liya kungeniswa ngekhompyutha kwi-ofisi yesithili echaphazelekayo. Akukho manyathelo angamanye aya kufuneka esikolweni.

Uyacelwa ufunde i-Grade R Subsidy Claim Application System User Manual ukufumana isikhokelo samanyathelo ngamanyathelo malunga nokungenisa ibango lenkxaso-mali ngokuyimpumelelo.

Ziintsuku eziyi-200 zizonke ngonyaka wokufunda eziya kusetyenziswa ekubaleni inkxaso-mali, yaye i-50% yesabelo iya kuhlawulwa ngethuba lesixa sesavenge sika-Apreli ukuze i-50% eseleyo ihlawulwe ngethuba lesixa sesavenge sika-Oktobha.

Imihla yenkqubo ka-2018:

Isixa sesavenge sango-Apreli (IKota 2 no-3 zonyaka wesikolo ka-2018)

Isixa sesavenge sika-Oktobha (Ikota 4 yonyaka wesikolo ka-2018 neKota 1 yonyaka wesikolo u-2019)

Kunokulandelelwa okuqhubekayo kwiCEMIS kwibango ngale ndlela ilandelayo:

• Loga kwi-CEMIS.
• Klikha ku-"Proceed" uze ukhethe u-"Administration" kwi-menu bar uze uklikhe ku-"Gr R Subsidy". „h
• Khetha u-"Claim status".

Izikolo ezingabizi zifizi ezifumana inkxaso-mali yeBakala R kuRhulumente azivumelekanga ukuhlawulisa ifizi zesikolo kubafundi beBakala R (makufundwe uxwebhu i-National Financial Management Guidelines in Respect of Schools Offering Grade R Classes, October 2009, kwikhasi 4).

Abazali basengacelwa benze igalelo ngokuzithandela (voluntary contributions). Ezi ntlawulo azinyanzelekanga yaye akuvumelekile ukuba zisetyenziselwe ukuvalela ngaphandle abafundi abanabazali abangenako ukwenza igalelo elilolu hlobo.

Kukhunjuzwa izikolo ootitshala/iipraktishina zeBakala R kuzo zonke izikolo, ukuba mazifumane isixa esipheleleyo esiyi-80% esisabelo senkxaso-mali nesihlawulwa ngomatshini kabini ngonyaka.

Amabhunga olawulo ezikolo ze-NQ4 no-NQ5 makawongeze umvuzo katitshala/wepraktishina yeBakala R ukwenzela ukuba utitshala/ipraktishina ifumane isixa esingaphezulu kwesona sixa somvuzo sisezantsi se-R8 577 ngenyanga.

Ootitshala/iipraktishina zeBakala R kwizikolo ezingabizi zifizi zinelungelo lokufumana isixa esipheleleyo esiyi-80% senkxaso-mali.

I-10% yenkxaso-mali yabelwa i-LTSM kubandakanywa i-LTSM esetyenziswa ngaphakathi nangaphandle eklasini, elungiselelwe abafundi beBakala R.

Enye i-10 % yenkxaso-mali yabelwa ukuhlawula ii-akhawunti zeenkonzo (utility accounts) zesikolo ezifana neentlawulo zeefoni, ii-akhawunti zamanzi nezombane, oomatshini bokufotokopa nokuprinta, izinto zokucoca nokulondoloza iiklasi zeBakala R, nazo naziphi ezinye iinkonzo ezifunwa ngootitshala/ziipraktishina zeBakala R.

Makulandelwe iimfuno ezimiselweyo zokunika ingxelo eziqhelekileyo njengoko zixeliweyo zii-ofisi zezithili, ukuqalisa ukwenza intlawulo yenkxaso-mali elandelayo.

Iileta zezabelo zokugqibela (ezisuselwa kumanani obhaliso esaveyi ye-SNAP (ngokusekelwe kumanani obhaliso eSaveyi yeSNAP) ziya kupapashwa kwi-CEMIS ungadlulanga owe-16 Matshi 2018.

Kucelwa uqhagamshelane nomlawuli weCEMIS wesithili malunga nemibuzo enge-CEMIS kunye nomphathi we-ECD ochaphazelekayo malunga nemibuzo engenkxaso-mali yeBakala R.