| 1. |
Izikolo eziseNtshona Koloni kulindeleke ukuba zinike umfundi ngamnye obhalisiweyo incwadi yesifundo kwabelwe izifundo zonke. |
| 2. |
Ukwenzela ukuqinisekisa ukuba bonke abafundi kwisikolo ngasinye baneencwadi zezifundo (textbooks) kuzo zonke izifundo ngo-2018, kucelwa iinqununu ukuba: |
| 2.1 |
zichaze inani elilindelekileyo labo lokubhalisa abafundi ngokwebakala ngebakala ngo-2018; |
| 2.2 |
ziqikelele inani elilindelekileyo labafundi abangaphezulu ekuqaleni kuka-2018 ngokusekelwe kwindlela izinto ezidla ngokwenzeka ngayo kule minyaka idlulileyo ; kunye |
| 2.3 |
nokuthathela ingqalelo ukuba limi njani iqondo lokubuyiswa kweencwadi zezifundo ngabafundi (textbook retention rate) ekupheleni konyaka kule minyaka idlulileyo. |
| 3. |
Ezi ngcombolo zikumhlathi 2 mazisetyenziselwe ukunika ulwazi ngoku-odolwa kweencwadi zezifundo zokongezelela (textbook top-up orders) zango-2018. |
| 4. |
Kuya kunikwa izikolo ithuba libe linye kuphela ngo-2017, phakathi kowe-29 Meyi nowe-09 Juni, loku-odola iincwadi zezifundo zokongezelela zabo kusetyenziswa ifasilithi yokwenza ii-odolo efumaneka kwiSebe leMfundo leNtshona Koloni (WCED). Oku kuthetha ukuba izikolo mazibekele bucala ixesha ukulungiselela iimfuno zazo zokongezelela iincwadi zezifundo zika-2018 ngononophelo, zithathela ingqalelo zonke iimeko ezichazwe kumhlathi 2. |
| 5. |
Iimali ezilungiselelwe i-LTSM zolwabiwo ze-N&S ziya kusetyenziselwa ukuhlawula iincwadi zezifundo zokongezelela nezokukhula kwamanani abafundi (top-up and learner growth textbooks) ngoJanuwari 2018. |
| 6. |
Ukuba izikolo azinazo iimali zolwabiwo ze-N&S ezaneleyo zokuhlawulela zonke iincwadi zezifundo zokongezelela nezokwanda kwamanani abafundi ezizi-odola ngekhompyutha, makufakwe isicelo kwiWCED sokufuna uncedo lwezemali. Isicelo eso masizaliswe kwithempleyithi eqhotyoshelweyo, yaye kufuneka sichaze nesizathu sokucela olo ncedo lwezemali. Le thempleyithi mayisayinwe yinqununu yesikolo iskenwe ize ithunyelwe nge-imeyili apha aletta.knipe@westerncape.gov.za ungadlulanga owe-23 Juni 2017. |
| 7. |
Kukhuthazwa izikolo zenze ziwagqibe amalungiselelo azo phambi kokuba lifike ithuba lokufaka ii-odolo ngekhompyutha ezimalunga neencwadi zezifundo zokongezelela ezifunekayo nokuqalela kusuku ekuvulwa ngalo isistim yasekhompyutheni (online system) ngowe-29 Meyi 2017. |
| 8. |
Xa ungena ekhompyutheni kwi-CEMIS, khetha u-"Administration" option kwi-menu bar ukhethe u-"CAPS textbook top-up" kwi-drop down list. I-sub-menu iya kuvela yona ikungenise kwi-capture screen, naku-"How to guide". Kukhuthazwa izikolo zikufunde okubhalwe ku-"How to guide" ngaphambi kokuba zifake ekhompyutheni ii-top-up textbook orders. |
| 9. |
Kucelwa ufunde i-welcome note kunye ne-guide ekhompyutheni kwi-CEMIS ukuqinisekisa malunga nalowo ekufuneka kuqhagamshelwane naye xa kukho naziphi iingxaki ezithi zivela xa kufakwa ii-odolo zeencwadi zezifundo zokongezelela ii-top-up textbook orders. |
| 10. |
Yakuba ingqinisisiwe i-odolo yasekhompyutheni yaze yasayinwa yinqununu, isikolo masiprinte ikopi eliphepha ye-odolo engqinisisiweyo (verified order), siyitshekishe ukuba ichanekile na yaye siyigcine kwirekhodi. |
| 11. |
Kucelwa wazise okukule kule setyhula bonke abasebenzi abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2017:05:09
|
 |