1. Le setyhula yazisa zonke izikolo zikarhulumente ezibhalisa abafundi ukususela kwiBakala 8 nangaphezulu ngeenjongo zeSebe leMfundo leNtshona Koloni (zeWCED) zokuseka iiforam okanye izitraktsha zamaBhunga aBameli baBafundi (ii-RCL) kuzo zosibhozo zizonke izithili zemfundo yaye yazisa ngomgaqo-sikhokelo we-WCED ongokuSekwa kweeForam zee-RCL (WCED Framework for the Establishment of Forums for RCLs).

2. Lo mgaqo-sikhokelo uqhotyoshelweyo wazisa zonke izikolo zikarhulumente ngeenkqubo nemigaqo yokusekwa kwanokusebenza kweeforam zee-RCL.

3. Umgaqo-sikhokelo wezomthetho
3.1 The South African Schools Act (SASA), 1996 (Act 84 of 1996)
3.2 The Education Laws Amendment Act, 2001 (Act 57 of 2001)
3.3 The Western Cape Provincial School Education Act, 1997 (Act 12 of 1997)
3.4 The Determination of the Functions and Procedures for the Establishment and Election of Representative Council of Learners at Public Schools, njengoko ipapashiweyo kwi-Provincial Gazette Extraordinary 7317 yowe-13 Oktobha 2014

4. ISiqendu 11 soMthetho weMfundo weZikolo zePhondo leNtshona Koloni, ka-1997 (uMthetho 12 ka-1997), ubonelela ngokusekwa kweBhunga leMfundo leNtshona Koloni elinenjongo yokucebisa uMphathiswa wePhondo ne-WCED ngemiba yezemfundo kwiphondo. Eli bhunga lakhiwa ngabantu basekuhlaleni abanyuliweyo nabatyunjiweyo abandakanyeka kwicandelo lezemfundo. Umgaqo-siseko webhunga awuyivumeli intatho-nxaxheba yamalungu e-RCL.

5. I-SASA ibonelela ngentatho-nxaxheba enkulu yabafundi ekusebenzeni ngokwenkqubo yolawulo lwentando yesininzi yezikolo. Nasiphi isikolo sikarhulumente esibhalisa abafundi kwiBakala 8 nangaphezulu masimisele i-RCL. Oku kuchaza kwakhona imithetho-siseko (principles) yomgaqo-siseko ephambili yolawulo nentatho-nxaxheba ngentsebenziswano (cooperative and participative governance). I-SASA imisela ukuthatha inxaxheba kwabafundi ukuba banike inkonzo kwibhunga lolawulo kwanokuba banikwe ithuba ngokusemthethweni lokudlala indima kwezolawulo lwesikolo.

6. Akukho mthetho we-SASA okanye nawuphi na ongomnye uMthetho onika umgaqo-sikhokelo ngeeforam ze-RCL, nangona i-RCL ilibhunga elisemthethweni elivunyiweyo kumthetho i-SASA.

7. I-WCED ngoko ke ifuna ukubonelela ngeeforam apho amalungu e-RCL anganethuba lokuxoxa ngemiba ebadibanisayo kumanqanaba esithili nakwiphondo.

8. Lo mgaqo-nkqubo uqhotyoshelwe apha unenjongo yokunceda iisekethe/iiklasta kwanezithili ekwakheni ezi foram.

9. Lo mgaqo-nkqubo ubonisa indlela izitraktsha zesikolo, ezesekethe/ezeklasta, ezezithili nezephondo emazinyulwe ngayo ngenjongo yokuba zisingathe iimfuno zabafundi kwinqanaba ngalinye elithile.

10. Makuthotyelwe oko kukulo mgaqo-sikhokelo yaye kukhuthazwe ulawulo lwentando yesininzi nobulungisa ngawo onke amaxesha.

11. Makusoloko kuthathelwa ingqalelo esona sizathu siphambili sokuba abafundi besesikolweni nanini xa kusenziwa amalungiselelo eentlanganiso yaye ukungabikho kwabafundi esikolweni makulawulwe kangangoko kunako kungenzeki qho.

12. Kucelwa uthumele imibuzo kuMququzeleli we-RCL wesithili ochaphazelekayo:

  • Metro East District: Nks May-Joan Swartz , ifoni 021 900 7253
  • Metro South District: Nks Reginald Dreyer, ifoni 021 374 4107
  • Metro North District: Mnu David Leonard, ifoni 021 938 3170
  • Metro Central District: Nks Anusha Naidoo, ifoni 021 514 6700/6716
  • Cape Winelands District: Mnu Fred Josias, ifoni 023 348 4600
  • West Coast District: Mnu Tommy Loriston, ifoni 021 860 1200
  • Overberg District: Mnu Mike Kobus, ifoni 028 214 7368
  • Eden and Central Karoo District: Nks Sinovuyo Stofile, ifoni 044 803 8300/8315
13. Kucelwa wazise okukule setyhula nakulo mgaqo-sikhokelo uqhotyoshelweyo bonke abachaphazelekayo ukuze bakuthathele ingqalelo.


ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2017:04:26

UMGAQO-SIKHOKELO WE-WCED ONGOKUSEKWA KWEEFORAM ZAMABHUNGA AMELE ABAFUNDI (ii-RCL)  (ubukhulu: 89 KB)
"South African Schools Act (SASA), 1996 (Act 84 of 1996)"  (ubukhulu: 255 KB)
"Western Cape Provincial School Education Act, 1997 (Act 12 of 1997)"  (ubukhulu: 61 KB)
"Provincial Gazette Extraordinary 7317"  (ubukhulu: 288 KB)