1. Le setyhula ithatha indawo yeSetyhula 0012/2008: ISikhokelo sokusekwa kweKomiti yeSikolo yoKusingatha iZitenxo zoVavanyo (a School Assessment Irregularities Committee (SAIC)).
2. IMimiselo Regulations pertaining to the Conduct, Administration and Management of Assessment for the National Senior Certificate njengoko ipapashwe kwiGazethi kaRhulumente 31337, efakelwe izilungiso nge-16 Meyi 2014, icacisa ukuba isikolo ngasinye masiseke iKomiti yeSikolo yoKusingatha iZitenxo zoVavanyo (SAIC).
3. Izitenxo zovavanyo lwangaphakathi (Internal assessment irregularities) ezichaphazela abafundi neetitshala mazisingathwe yi-SAIC kwinqanaba lesikolo, ngokungqinelana nesikhokelo (IziHlomelo A no-B), esibonelelwa liSebe leMfundo leNtshona Koloni (ISebe iWCED).
4. I-SAIC mayisingathe zonke izitenxo zovavanyo, kwicandelo le-General Education and Training (GET) nakwele-Further Education and Training (FET).
5. Kulindeleke izikolo zibe sele zizisekile ii-SAICs zazo nokuba zisebenze ngokupheleleyo. Inkqubo, indima nemisebenzi ye-SAIC, mazichazwe ngokuthe gca kumgaqo-nkqubo wovavanyo wesikolo. Apha kule setyhula kuqhotyoshelwe isiHlomelo A osisikhokelo sokwakhiwa kwe-SAIC namagunya olawulo ale komiti elolu hlobo. Kukwaqhotyoshelwe nesiHlomelo B, esiqulethe izitenxo ezinokwenzeka nesikhokelo esimalunga nezohlwayo (sanctions).
6. Abaphathi beesekethe besebenzisana nabaququzeleli bovavanyo bezithili, kulindeleke ukuba baqinisekise ukuba zonke izikolo zizisekile ii-SAICs zazo nokuba ezoo SAICs zisebenza ngokupheleleyo. Qho kwiminyaka emithathu, iinqununu mazazise umphathi wesekethe ngokwakhiwa kwe-SAIC ngencwadi ebhaliweyo, ukulungiselela ukuvunywa kwesitraktsha sale komiti.
7. ISebe leMfundo esiSiseko (ISebe i-DBE) liyifuna qho ngonyaka ingcaciso emalunga nokwakhiwa nemisebenzi yeeKomiti ii-SAICs. ISebe iWCED liya kuyicela le ngcaciso kwizikolo nakwizithili ngethuba lekota yesibini ka-2017.
8. Iya kuthakazelelwa intsebenziswano yenu ngokumalunga noku.


ISAYINWE: NGU-BK SCHREUDER
INTLOKO YESEBE LEMFUNDO EBAMBELEYO
UMHLA: 2017:04:12

"Government Gazette 31337"  (ubukhulu: 6 241 KB)
IsiHlomelo A: Isikhokelo sokwakhiwa nemisebenzi yeKomiti yeSikolo yokuSingatha iZitenxo zoVavanyo  (ubukhulu: 68 KB)
IsiHlomelo B: Itheyibhile yezitenxo ezinokwenzeka nezohlwayo ezichaphazela  (ubukhulu: 66 KB)
IsiHlomelo C: "Report on irregularities"  (ubukhulu: 49 KB)
IsiHlomelo D: "WCED irregularity spreadsheet"  (ubukhulu: 34 KB)