| 1. |
Apha kwaziswa izikolo ngethuba lokuqala loku-odola ngekhompyutha izinto zokubhala nezinto zokucoca zazo ukususela nge-18 ukuya kwi-26 Apreli 2017, ukulungiselela ukusetyenziswa kwazo ngo-2018. |
| 2. |
Zazazisiwe ngo-2016 izikolo ngeSetyhula 0016/2016 ngeemvumelwano ezimbini ezahlukeneyo ekungenwe kuzo liSebe leMfundo leNtshona Koloni (WCED) zokuodolwa kwezinto zokubhala nezinto zokucoca nenkqubo yoku-odola emayilandelwe ngokweemvumelwano ezikhankanyiweyo ezisebenzayo kwizikolo ezingekho phantsi kwesiqendu 21. |
| 3. |
Iimvumelwano esele zikhankanyiwe, eziphelelwa ngomhla we-31 Matshi 2017, zandiselwe ixesha kungokunje eliziinyanga ezintathu ezongezelelweyo ukususela nge-01 Apreli ukuya kwi-30 Juni 2017 ukuqinisekisa ukuqhubeka komsebenzi woku-odola lo gama kusasingethwe inkqubo yeziniki-maxabiso entsha. |
| 4. |
Kuya kubonelelwa ngesikhokelo kwiCEMIS sokucacisa ukuba mazifakwe yaye zisayinelwe njani na kwikhompyutha iimfuno zezinto zokubhala nezinto zokucoca. |
| 5. |
ISebe iWCED liya kufaka ii-odolo zezinto zokubhala nezezinto zokucoca ezifunwayo egameni lezikolo ezingekho phantsi kwesiqendu 21 kubathengisi ekungenwe kwimvumelwano nabo njengoko kucacisiwe kwiSetyhula 0005/2015. |
| 6. |
Izikolo zinokufaka kwikhompyutha kuphela i-odolo yezinto (items) ezidweliswe kwiikhathalogu ezihlaziyiweyo zezinto zokubhala nezezinto zokucoca, (eziqhotyoshelwe apha). |
| 7. |
Kucelwa niqaphele ukuba imvumelwano yezinto zokubhala ayikuboneleli ukuthengwa nokusiwa kwephepha lokufotokopa okanye iikhratriji zeprinta. Ezi ayithem kwakunye nezinye ii-ayithem ezingekhoyo kwiikhathalogu zezinto zokubhala nezezinto zokucoca, ziya kuthengwa ngokwahlukeneyo ngekowuteshini ezicelwe ngesistim eyi-Integrated Procurement Solution (IPS). Izikolo mazingenise iirikhwizishini (WCED 026 forms) ngokumalunga noku kwi-ofisi yeLTSM ungadlulanga owe-26 April 2017 ukuqinisekisa ukusiwa kwazo ngexesha. |
| 8. |
Ziya kucelwa izikolo ngoko ke ukuba zisebenzise iimali zezabelo zemimiselo nemigangatho (N&S) zokuthenga kulo ndawo isikolo sikuyo ukuhlawulela zonke iimfuno zazo zezinto zokubhala nezinto zokucoca. Ngako oko kubaluleke gqitha ukuba izikolo zenze izicwangciso ngobulumko ekumiseleni ukuba ziphathwa njani na iimali zazo zeN&S ukuqinisekisa ukuba ikhona imali eyaneleyo yazo zonke iimfuno zazo. Izikolo ziya kuncediswa ngalo mba, ngokuthi kuthunyelwe kuzo amaxwebhu aqinisekisa ii-odolo namaxabiso azo, lo gama kusasingethwe ii-odolo. |
| 9. |
Ziyakhuthazwa izikolo zilisebenzise eli thuba loku-odola ii-ayithem ezininzi ngaxeshanye ezizifunayo yaye ziya kulinikwa ithuba lesibini ukususela kwi-07 ukuya kwi-11 Agasti 2017, lokuba zi-odole naziphi na izinto ukulungiselela iimfuno ezongezelelweyo ezinokuba zisekho. |
| 10. |
Kucelwa wazise ngokuqulethwe yile setyhula kuwo onke amagosa achaphazelekayo ukuze akuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2017:03:27
|
 |