1. Fumana ikopi yethayimthebhile yokugqibela yeeMviwo zokuXabangela zeMatriki zika-Oktobha -November 2017.
2. Iimviwo zicwangciselwe ukuqala nge-23 Oktobha 2017 ziphele nge-28 Novemba 2017. Iimviwo zepraktikhali ze-Computer Applications Technology (CAT) ne-Information Technology (IT) ziya kubhalwa nge-16 ne 17 Oktobha 2017 ngokulandelelanayo.
3. Zimbini iiseshoni ezicwangciselwe usuku ngalunye. Iiseshoni zakusasa ziya kuqala ngo-09:00 zize ezasemva kwemini ziqale ngo-14:00.
4. Iiklasi eziqhelekileyo maziqhubeke de kube ngowe-13 Oktobha 2017, ukwenzela ukuba kuqhubeke ukufundiswa kangangoko kunokwenzeka. Iintloko zezikolo zingakhetha ukubavumela abafundi beBakala 12 baka-2016 ukuba bafundele ekhaya ukususela nge-16 Oktobha 2016 ukwenzela ukuba balungiselele iimviwo zeNSC.
5. Kucelwa iinqununu nabaphathi bamaziko baxele onke amaxesha angqubanayo kwithayimthebhile (clashes) kwiSebe iWCED. Ezo ngxelo mazingeniswe ngeleta ebhaliweyo ungadlulanga uLwesihlanu, we-28 Apreli 2017 kule dilesi ilandelayo:

Head: Education
Attention: Mr TJ Magwaca (Room 5-27)
Western Cape Education Department
Private Bag X9114
CAPE TOWN
8000
Fax no. : 021 467 9370 / 086 668 9761
e-Mail address:
tebo.magwaca@westerncape.gov.za

6. Kufuneka iinqununu zazise bonke abaviwa ababhala iimviwo zeSatifikethi seMatriki sikaZwelonke ukuba mabanxibe iyunifom yesikolo sabo xa bebhala uviwo ngalunye, nokuba mabasoloko befumaneka kude kube lusuku lokugqibela lwekota yesikolo (06 Disemba 2017), ukwenzela ukuba xa kuthe kwakho imfuneko, ngenxa yaso nasiphi na isizathu, kulungiselelwe elinye ixesha lokubhalwa kwephepha loviwo elithile.


ISAYINWE: NGU-L ELY
INTLOKO EBAMBELEYO: YESEBE LEMFUNDO
UMHLA: 2017:03:17

"National Senior Certificate (NSC) Examination Timetable October - November 2017 (Final)"  (ubukhulu: 53 KB)