1. Hierdie omsendbrief moet saamgelees word met Omsendbrief 0033/2016.
2. Behoudens Hoofstuk 3, artikel 20(1)(g) van die Suid-Afrikaanse Skolewet, 1996 (Wet 84 van 1996), moet die beheerliggaam van 'n openbare skool die geboue en gronde deur die skool beset, met inbegrip van koshuise, administreer en beheer, maar die uitvoering van hierdie bevoegdheid moet op geen manier met die implementering van 'n besluit wat die Lid van die Uitvoerende Raad of Departementshoof ingevolge enige reg of beleid geneem het, inmeng of dit andersins belemmer nie.
3. Indien 'n noodgeval of krisissituasie ontstaan, sal die prinsipaal gekontak word om die voorbereiding en gebruik van die skoolgeboue en -gronde te fasiliteer. Prinsipale moet dus toesien dat hul kontakbesonderhede op SOBIS korrek is. Gaan na General Information by https://cemis.pgwc.gov.za en kontroleer u besonderhede.
4. Soos u weet, ervaar die Wes-Kaap 'n WATERKRISIS en ten spyte van verminderde waterverbruik in die provinsie, neem damvlakke vinnig af. Indien waterverspreiding noodsaaklik word, mag skole as verspreidingspunte gebruik word. Die beplanning vir hierdie proses sluit die 2017-vakansietydperk van die vierde kwartaal in.
5. Bring asseblief die inhoud van hierdie omsendbrief onder die aandag van alle personeel en beheerliggaamlede.


GETEKEN: BK SCHREUDER
HOOF: ONDERWYS
DATUM: 2017:11:30

"South African Schools Act, 1996 (Act 84 of 1996)"  (grootte: 255 KB)