1. Hierdie minuut moet saamgelees word met Assesseringsbestuurminuut 0007/2016, gedateer 13 Mei 2016, asook Staatskennisgewings 1160, 1161 en 1162 gepubliseer in Staatskoerant Nr. 39435 van 20 November 2015.
2. Die Minister van Basiese Onderwys het die voorbehoudsbepaling in die aangehegte Omsendbrief S13 van 2017, gedateer 24 November 2017, herroep.
3. Aangesien 'n beleid nie terugwerkend geimplementeer kan word nie, sal die herroeping van hierdie voorbehoudsbepaling eers in graad 10 gedurende die 2018-skooljaar geimplementeer word. Graad 10-leerders wat dus gedurende die 2018-skooljaar Rekeningkunde kies, sal dit met of Wiskunde of Wiskundige Geletterdheid kan kombineer.
4. Die herroeping van die voorbehoudsbepaling sal leerders vervolgens beïnvloed:

2018 Graad 10 Mag Wiskunde of Wiskundige Geletterdheid met Rekeningkunde kombineer
Graad 11 Moet Wiskunde met Rekeningkunde aanbied
Graad 12 Mag Wiskunde of Wiskundige Geletterdheid met Rekeningkunde kombineer

2019 Graad 10 Mag Wiskunde of Wiskundige Geletterdheid met Rekeningkunde kombineer
Graad 11 Mag Wiskunde of Wiskundige Geletterdheid met Rekeningkunde kombineer
Graad 12 Moet Wiskunde met Rekeningkunde aanbied
5. Die Wes-Kaap Onderwysdepartement is deeglik bewus van die probleem met die huidige graad 11-leerders en is besig om met die Departement van Basiese Onderwys te in gesprek te tree om 'n moontlike toegewing te maak.
6. Prinsipale word vriendelik versoek om die inligting onder die aandag van alle huidige graad 9- en graad 10-leerders en -onderwysers te bring.


GETEKEN: BK SCHREUDER
HOOF: ONDERWYS
DATUM: 2017:12:04

"Government Gazette No. 39435"  (grootte: 4 550 KB)
"DBE Circular S13 of 2017"  (grootte: 197 KB)