| 1.1 |
Die Minister van Basiese Onderwys, me AM Motshekga, het op 12 Februarie 2016 ingevolge artikel 4 van die Wet op die Indiensneming van Opvoeders, 1998 (Wet 76 van 1998), wysigings aan die PAM-dokument gepromulgeer wat die voorwaardes en bepalings vir die indiensneming van opvoeders bepaal en gekonsolideer het. |
| 1.2 |
Die aandag word gevestig op paragraaf 4.1 en 4.2 van Omsendbrief 0037/2013, wat die prosedure uiteensit wat gevolg moet word wanneer 'n opvoeder in diens van die Wes-Kaap Onderwysdepartement (WKOD) 'n grief wil aanteken, soos in die PAM uiteengesit. |
| 1.3 |
Hierdie omsendbrief sit die hersiene griefprosedure vir opvoeders in ooreenstemming met die wysigings aan die PAM uiteen. |
| 2. |
DOEL
Die hoofdoel is om die griefprosedure in openbare onderwys te versterk deur die bevordering van:
- die spoedige, onpartydige en regverdige hantering van griewe;
- sterk werknemersverhoudinge;
- die oplos van individuele griewe op die laagste moontlike vlak in 'n departement; en
- dispuutvoorkoming.
|
| 3. |
WYSIGINGS AAN DIE GRIEFPROSEDURE |
| 3.1 |
Die eerste fundamentele wysiging is die verandering aan hoofstukke vanaf Hoofstuk H tot Hoofstuk G van die PAM-dokument. |
| 3.2 |
Tweedens moet enige opvoeder wat verontreg is in die vervolg 'n informele roete volg (klagte lê) deur sy/haar direkte toesighouer en/of betrokke bestuurder oor die ontevredenheid te nader of die voorgeskrewe vorm te gebruik deur die grief op skrif stel. Die Griefvorm (Bylae A) is vir maklike verwysing hierby aangeheg. |
| 4.1 |
Informele stadium (klagte) |
| 4.1.1 |
Hierdie proses is informeel en sonder vooroordeel teenoor enige van die partye. |
| 4.1.2 |
Opvoeders word aangemoedig om die informele roete (klagte) te volg met hul hoof van die inrigting/betrokke bestuurder voordat 'n formele grief aangeteken word. |
| 4.1.3 |
'n Ernstige poging moet deur die hoof van die inrigting/betrokke bestuurder aangewend word om enige grief deur mondelinge onderhoud op te los. Gedurende die genoemde proses sal geen rekords van verrigtinge gehou word nie. |
| 4.1.4 |
Verteenwoordiging word nie op hierdie stadium toegelaat nie, maar die opvoeder mag egter 'n waarnemer versoek. |
| 4.1.5 |
Hoofde van inrigtings/betrokke bestuurders word aangemoedig om die proses binne 10 werksdae na ontvangs van die klagte af te handel. |
| 4.1.6 |
Die doel is om die klagteproses te versterk en dit doeltreffend te hanteer om 'n formele grief te vermy. |
| 4.2.1 |
Dit is 'n formele proses en die klagte word binne 90 dae vanaf die datum waarop die opvoeder van die daad of pligsversuiming wat hom/haar benadeel het, bewus geword het op skrif by die hoof van die inrigting/betrokke bestuurder gestel deur van die Griefvorm (Bylae A) gebruik te maak. |
| 4.2.2 |
Tydsraamwerke moet bereken word deur die eerste dag uit te sluit en die laaste dag in te sluit. |
| 4.2.3 |
Indien die opvoeder nie met die uitslag, waarna in paragraaf G.4.2 van die PAM verwys word, tevrede is nie, kan die gegriefde die saak binne vyf werksdae nadat die partye nagelaat het om die grief op te los skriftelik, per hand of geregistreerde pos, saam met die besluit van die hoof van die inrigting/betrokke bestuurder, na gelang van die geval, verwys na die Streek-/Distrikshoof van Onderwys in die geval van 'n opvoeder by 'n skool, of na die kantoor, waarna in paragraaf G.4.2.4 van die PAM verwys word, in die geval van 'n opvoeder buite die skool. |
| 4.2.4 |
Die doel is om die formele griefproses te versterk en doeltreffend te hanteer om 'n formele dispuut te vermy. |
| 5. |
RIGLYNE OOR HOE GRIEFVORM (BYLAE A) TE VOLTOOI |
| 5.1 |
Hierdie vorm moet gebruik word om 'n formele grief ('n beweerde onbillike ontslag uitgesluit) aan te teken wanneer 'n opvoeder met 'n daad of pligsversuiming ontevrede is en nie die probleem gedurende die klagtestadium kon oplos nie. |
| 5.2 |
Die opvoeder moet 'n grief binne 90 dae aanteken vanaf die datum waarop hy/sy bewus geword het van die daad of pligsversuiming, wat hom/haar benadeel het. |
| 5.3 |
Die opvoeder mag deur 'n mede-opvoeder en/of 'n verteenwoordiger en/of 'n amptenaar van 'n erkende vakunie bygestaan of verteenwoordig word. |
| 5.4 |
Dit is belangrik om seker te maak dat alle inligting akkuraat ingevul is. Sodra die vorm voltooi is, moet dit gegee word aan die hoof van die inrigting/betrokke bestuurder wat aangewys is om die griewe by die opvoeder se inrigting te fasiliteer. Die WKOD sal hierdie vorm aan die griefdokumentasie heg en dit sal regdeur al die stadiums van die griefprosedure gebruik word. |
| 5.5 |
Soos die hoof van die inrigting/betrokke bestuurder probeer om die grief op elke stadium op te los, sal elke party die toepaslike deel van die vorm voltooi. Die opvoeder sal 'n geleentheid kry om op elke kommentaar te reageer. |
| 5.6 |
Na afhandeling van elke stadium van die griefprosedure sal die hoof van die inrigting/betrokke bestuurder die opvoeder van 'n afskrif van die voltooide vorm voorsien. |
| 5.7 |
Sodra die grief opgelos is, hoef die opvoeder nie die res van die vorm te voltooi nie. |
| 5.8 |
Daar word van opvoeders verlang om Deel A en Deel B van hierdie vorm te voltooi en dit vir die hoof van die inrigting/betrokke bestuurder, na gelang van die geval, by hul inrigting/kantoor te gee. Die hoof van die inrigting/bestuurder, na gelang van die geval, sal sy/haar handtekening in die blokkie onderaan Deel B van die vorm maak om aan te dui dat die grief ontvang is. Die opvoeder moet seker maak dat hy/sy 'n afskrif van die vorm, waar ontvangs van sy/haar grief erken is, ontvang. |
| 5.9 |
Deel C van die Griefvorm sal deur die hoof van die inrigting/betrokke bestuurder, na gelang van die geval, voltooi word en die gegriefde sal van 'n afskrif voorsien word op die verskillende stadiums wanneer pogings aangewend sal word om die grief om te los. |
| 6. |
Let asseblief daarop dat onvoltooide Griefvorms nie vasgele of geregistreer sal word nie en die grief sal ook nie ondersoek word nie. |
| 7. |
Ten einde voldoening aan wetgewing te verseker, word hoofde van inrigtings/betrokke bestuurders sterk aangemoedig om by die tydsraamwerke soos uiteengesit in die PAM te hou en moet die riglyne soos uiteengesit in Bylae B en C gebruik word om die griefproses te fasiliteer en op te los. |
| 8. |
Die Direktoraat: Werknemerverhoudinge moet binne vyf dae na die afhandeling van die grief op distriksvlak, oor die uitslag van die grief, met al die nodige aanhangsels, verwittig word. |
| 9. |
Waar 'n opvoeder verontreg voel ten opsigte van sy/haar aansoek om tydelike onbevoegdheidsverlof (ooreenkomstig die Policy on Incapacity Leave and Ill Health Retirement (PILIR)) en/of diensvoordele wat salarisse, bonusse en toelaes insluit, maar nie daartoe beperk is nie, moet sodanige besorgdhede aan die betrokke bestuurder by Hoofkantoor gerig word.
|
| 10. |
Daar word van hoofde van inrigtings/betrokke bestuurders verlang om alle personeel oor die inhoud van hierdie omsendbrief ten opsigte van wysigings aan die griefprosedure vir opvoeders in te lig. |
| 11. |
Sodra opvoeders by enige WKOD opvoedkundige inrigting aangestel word, moet hulle van hierdie omsendbrief bewus gemaak te word. |
GETEKEN: BK SCHREUDER
HOOF: ONDERWYS
DATUM: 2017:11:18
|
 |