1. Die hersiene Prosedures vir die Instelling en Verkiesing van Beheerliggame by Openbare Skole, 2017, soos gepubliseer in Buitengewone Provinsiale Koerant Nr. 7810 van 17 Augustus 2017, stel 'n beheerliggaam in staat om minstens 60 dae voor die datum van die verkiesing by die distriksdirekteur aansoek te doen om van die prosedure vir die benoeming en verkiesing van ouerlede af te wyk. Bylae A bevat die aansoekvorm wat skole deur hulle kringbestuurder by die distriksdirekteur moet indien.

2. Enige aansoek om 'n afwyking moet die beste belange van die skoolgemeenskap bevorder, voorsiening maak vir maksimum deelname van ouers wat graag wil stem, nie onbillik teen enige potensiele kieser diskrimineer nie, toelaat dat 'n billike benoemingsproses in die aanloop tot die verkiesings plaasvind, en seker maak dat ouers behoorlik van die besonderhede van die kandidate ingelig word.

3. Die skool se aansoek moet volledig gemotiveer word en die datum, tyd en wyse aandui waarop die skool van voorneme is om die alternatiewe benoemings- en verkiesingsprosesse van die ouerlede van die beheerliggaam te bestuur.

4. Skole moet die volgende minimum riglyne oor die verkiesings in ag neem voordat hulle by die Wes-Kaap Onderwysdepartement (WKOD) aansoek doen om 'n afwyking van 'n enkele benoemings- en verkiesingsdag aan te bied:
4.1 Die aangewese kiesbeampte moet daartoe ingestem het en regdeur die verkiesingproses beskikbaar wees. Die verkiesingsproses verwys na die tydperke waar ouers kan stem, d.w.s. een verlengde tyd of vasgestelde tye deur die loop van die dag.
4.2 Voldoende en doeltreffende veiligheids- en sekuriteitsmaatreels sal in gereedheid gebring word om te verseker dat die integriteit van die verkiesings voortdurend gehandhaaf word.
4.3 Kommunikasie aan ouers moet verseker dat hulle voldoende ingelig is oor die benoemings- en verkiesingsprosedures wat gebruik gaan word.

5. Om 'n verkiesing ingevolge hierdie regulasies geldig te maak en benoemde kandidate as gekose te beskou, moet 'n kworum van ouers van minstens tien persent van die totale aantal ouers op die kieserslys in die verkiesing gestem het. Al is die aantal benoemings gelyk aan die aantal ouerlede op die beheerliggaam, moet 'n stemming gehou en 'n kworum behaal word, waarna 'n opvolgopname gedoen moet word.

6. 'n Beheerliggaam wat nie met die distriksdirekteur se besluit saamstem nie, kan binne 14 dae na die besluit ontvang is, by die Hoof van die Departement (HvD) appel aanteken.

7. Bring asseblief die inhoud van hierdie omsendbrief onder die aandag van alle personeel en beheerliggaamlede.


GETEKEN: BK SCHREUDER
HOOF: ONDERWYS
DATUM: 2017:10:21

Bylae A  (grootte: 68 KB)