| 1. |
Die Wes-Kaap Onderwysdepartement (WKOD), het die School Emergency Maintenance Management Information System (SEMMIS) wat 'n aanlyn stelsel op die Sentrale Onderwysbestuursinligtingstelsel (SOBIS) is, ontwikkel. |
| 2. |
SEMMIS sal die WKOD-004-vorm wat tans gebruik word om gevalle van noodherstelwerk aan Hoofkantoor te rapporteer, vervang. |
| 3. |
Skole word versoek om vanaf 01 Oktober 2017, die SEMMIS-toepassing op SOBIS te gebruik om noodherstelwerk vas te lê. |
| 4. |
Instruksies sal op die SOBIS-platform voorsien word oor hoe skole te werk moet gaan om versoeke om noodherstelwerk vas te lê en af te teken. |
| 5. |
Skole moet hulle norme-en-standaarde (N&S) -befondsing vir enige noodherstelwerk onder R10 000, gebruik. Dit is dus noodsaaklik dat skole hulle N&S-befondsing noukeurig bestuur om te verseker dat voldoende befondsing vir sodanige noodherstelwerk beskikbaar is. |
| 6. |
Indien enige hulp tydens die vaslegging van inligting benodig word, kan die volgende persoon gekontak word:
Nicholas Sutcliffe (tel. nr.: 021 467 2568) of e-posadres Nicholas.Sutcliffe@westerncape.gov.za |
| 7. |
Bring asseblief die inhoud van hierdie omsendbrief onder die aandag van alle tersaaklike amptenare. |
GETEKEN: BK SCHREUDER
HOOF: ONDERWYS
DATUM: 2017:09:28
|
 |