Die norme en standaarde (N&S) -toewysings vir graad R vir die boekjaar wat strek vanaf 01 April 2018 tot 31 Maart 2019 is op SOBIS beskikbaar. Toegang daartoe kan soos volg verkry word:

• Teken aan op SOBIS.
• Kliek op "Proceed" en kies dan die "Administration"-opsie op die kieslys en kliek op "Norms and Standards Allocation" en kies "N&S 2018".
• Druk die bladsy.

Let op die volgende:

Toewysings word bereken volgens die Nasionale Norme en Standaarde vir graad Rbefondsing, soos gewysig in Staatskoerant No. 29179 van 31 Augustus 2006.

Die toewysingsbrief sluit 'n gedetailleerde uiteensetting van die geprojekteerde toewysing vir die 2018/19-boekjaar in, asook voorlopige toewysings vir die volgende twee boekjare, nl. 2019/20 en 2020/21.

Alle toewysings is op grond van SOBIS se leerdertalle bereken.

Goedkeuring is verleen om die volgende subsidie vir leerders in goedgekeurde graad R-klasse by gewone openbare skole, geregistreerde vroee-kindontwikkelingsentrums en onafhanklike sentrums vanaf 01 April 2018 te betaal:

Subsidie per kapita:

Toewysing vir Leer- en onderrigondersteuningsmateriaal (LOOM):
Vir geenskoolgeldskole is 'n bedrag van R2 124 per maand betaalbaar vir elke klas wat deur 'n WKOD-betaalde onderwyser/praktisyn onderrig word.

Minimum toewysing:
Alle gewone openbare skole met minder as 25 leerders is daarop geregtig om . minimum subsidie van R128 412 per jaar te ontvang.

Elke openbare preprimêre skool sal slegs 'n N&S-toewysing van R19 per leerder ontvang.

Subsidie per kapita:

Dit is belangrik om daarop te let dat:

• alle graad R-leerders op SOBIS vasgele/geregistreer moet wees.
• elke graad R-leerder by 'n graad R-klas ingedeel moet wees; en
• 'n graad R-onderwyser/praktisyn by elke graad R-klas ingedeel moet wees.

Eers nadat die bovermelde gedoen is, kan 'n graad R-subsidie-eis vir betaling ingedien word.

• Teken aan op SOBIS.
• Kliek op "Proceed" en kies dan die "Administration"-opsie op die kieslys en kliek op "Gr R Subsidy".
• Kies "Submit Application".

Voltooi asseblief die toepaslike velde soos vereis en druk die skool se subsidie-eisvorm vir rekorddoeleindes nadat die eis ingedien is. Die skool se subsidie-eis sal elektronies by die toepaslike distrikskantoor ingedien word. Geen verdere optrede word van die skool verlang nie.

Verwys asseblief na die Grade R Subsidy Claim Application User Manual vir gedetailleerde stapsgewyse leiding oor hoe om 'n subsidie-eisvorm suksesvol in te dien.

'n Totale getal van 200 dae per akademiese jaar sal gebruik word by die berekening van die subsidie, waarvan 50% van die toewysing in die April-gedeelte en die oorblywende 50% in die Oktober-gedeelte betaal sal word.

Datums vir die 2018-proses:

April-gedeelte (Kwartaal 2 en 3 van 2018 skooljaar)

Oktober-gedeelte (Kwartaal 4 van 2018 skooljaar en Kwartaal 1 van 2019-skooljaar)

Die vordering van die skool se eis kan soos volg op SOBIS nagespoor word:

• Teken aan op SOBIS.
• Kliek op "Proceed" en kies dan die "Administration"-opsie op die kieslys en kliek op "Gr R Subsidy".
• Kies "Claim status".

Geenskoolgeldskole wat graad R-befondsing van die Staat ontvang, mag nie skoolgeld van graad R-leerders vra nie (Sien National Financial Management Guidelines in Respect of Schools Offering Grade R Classes, Oktober 2009, bladsy 4).

Ouers kan versoek word om vrywillige bydraes te maak. Hierdie bydraes is nie verpligtend nie en mag nie gebruik word om leerders uit te sluit omdat hul ouers nie sodanige bydraes kan maak nie.

Skole word daaraan herinner dat graad R-onderwysers/praktisyns by alle skole die volle 80% van die subsidietoekenning wat twee keer per jaar oorgeplaas word, moet ontvang.

Beheerliggame van NK 4- en NK 5-skole moet die graad R-onderwyser/praktisyn se salaris vermeerder sodat die onderwyser/praktisyn 'n bedrag wat meer is as die minimum van R8 577 per maand ontvang.

Graad R-onderwysers/praktisyns by geenskoolgeldskole is geregtig op die volle 80% van die subsidie.

Tien persent (10%) van die subsidie is vir LOOM toegewys, insluitend binnenshuise en buitenshuise LOOM tot voordeel van graad R-leerders.

Die ander 10% van die subsidie is vir die betaling van die skool se diensterekeninge, soos telefoonrekeninge, water- en elektrisiteitsrekeninge, kopiëring en drukwerk, skoonmaakmateriale vir en instandhouding van die graad R-klaskamer(s), en enige ander dienste wat deur die graad R-onderwysers/praktisyns verlang word.

Soos deur die distrikskantore gekommunikeer is, moet normale rapporteringsvereistes nagekom word om die volgende subsidiebetaling te bewerkstellig.

Die finale toewysingsbriewe (gebaseer op die 2018 kitsopnameleerdertalle) sal teen 16 Maart 2018 op SOBIS gepubliseer word.

Kontak asseblief die toepaslike SOBIS-administrateur oor SOBIS-verwante navrae en die toepaslike VKO-distriksbestuurder oor graad R-subsidieverwante navrae.