| 1. |
Die hersiene Prosedures vir die Instelling en Verkiesing van Beheerliggame by Openbare Skole, 2017, gepubliseer in Buitengewone Provinsiale Koerant Nr. 7810 van 17 Augustus 2017, is hierby aangeheg en het op 18 Augustus 2017 in werking getree. Hierdie prosedures vervang die Prosedures vir die Instelling en Verkiesing van Beheerliggame by Openbare Skole, wat in Buitengewone Provinsiale Koerant Nr. 7352 van 06 Februarie 2015 gepubliseer is. |
| 2. |
As 'n oorgangsreeling, word 'n beheerliggaam by 'n openbare skool, wat by die inwerkingtreding van hierdie regulasies geldig saamgestel is, ingevolge die Bepaling van die Prosedures vir die Instelling en Verkiesing van Beheerliggame by Openbare Skole, 2015, as saamgestel geag ingevolge hierdie regulasies. |
| 3. |
'n Provinsiale verkiesingspan, onder leiding van mnr. Redewan Larney (tel. nr. 021 467 2337), sal ingestel word om die verkiesingsaktiwiteite van die distrik en skoolverkiesingspanne in die Wes-Kaap te koordineer en te monitor. |
| 4. |
Beheerliggame word vriendelik versoek om met die voorbereiding van die verkiesings te begin deur toe te sien dat alle tersaaklike dokumente agtermekaar en gereed is om in 2018 aan die nuut verkose beheerliggaam oorhandig te word. |
| 5. |
Bring asseblief die inhoud van hierdie omsendbrief en die aangehegte regulasies onder die aandag van alle personeel en beheerliggaamlede. |
GETEKEN: BK SCHREUDER
HOOF: ONDERWYS
DATUM: 2017:09:26
|
 |