| 1. |
Let asseblief daarop dat hierdie omsendbrief slegs op nie-artikel 21 skole van toepassing is. |
| 2. |
Hierdie omsendbrief dien om u in kennis te stel dat die kontrakte wat tans deur die Wes-Kaap Onderwysdepartement (WKOD) gehou word, vir die voorsiening en aflewering van skryfbehoeftes en skoonmaakmiddels, op 30 September 2017 verval. Die WKOD het gevolglik die bogenoemde twee nuwe afsonderlike driejaarkontrakte met Masiqhame Trading 1057 CC vir die tydperk 01 Oktober 2017 tot 30 September 2020, gesluit. Hierdie kontrakte sal deur alle openbare skole, onderwysdistrikskantore en die Hoofkantoor van die WKOD benut word. |
| 3. |
Let asseblief daarop dat beide kontrakte aan die bogenoemde diensverskaffer toegeken is, en dus sal bestellings vir plaaslike aankope vir die genoemde tydperk slegs by die goedgekeurde verskaffer geplaas word:
Masiqhame Trading 1057 CC
Blinkwater Crescent 30
Edgemead
7441
Telefoonnommer: 021 558 9947
Kontakpersoon: Mnr. G. Daniels |
| 4. |
Nie-artikel 21 skole word versoek om die aangehegte katalogusse ten opsigte van jaar 1 (01 Oktober 2017 tot 30 September 2020) te gebruik om die skool se vereistes vir skryfbehoeftes en skoonmaakmiddels, tuinbou en elektriese voorrade wat in 2019 gebruik sal word, aanlyn in Mei en Augustus 2018 te bestel. Skole sal in afsonderlike omsendbriewe van die proses wat in hierdie verband gevolg moet word, in kennis gestel word. Dit is belangrik om daarop te let dat skole ingevolge die kontrakte slegs items vanaf die aangehegte katalogusse wat op hulle distrik van toepassing is, mag bestel. |
| 5. |
Let asseblief daarop dat die kontrak vir skryfbehoeftes nie die voorsiening en aflewering van kopieerpapier en drukkasette bied nie – hierdie items, asook ander items wat nie in die katalogusse vir skryfbehoeftes en skoonmaakmiddels, tuinbou en elektriese voorrade uiteengesit is nie, sal op die WKOD 026-vorm bestel en by die leer- en onderrigondersteuningsmateriaal (LOOM) se bestelkantoor ingedien moet word. Die bogenoemde items sal dus in die ope mark geadverteer word en verkryging sal via voorsieningskettingbestuurprosesse onderneem word. Die adres van die LOOM-kantoor is as volg:
Wes-Kaap Onderwysdepartement
LOOM-kantoor
Goue Akker-gebou
15de Vloer
Kaapstad |
| 6. |
Dit is baie belangrik dat skole hulle norme en standaarde-befondsing noukeurig beplan en bestuur om te verseker dat genoegsame fondse beskikbaar is om aan al die leerdervereistes te voldoen. |
| 7. |
Bring asseblief die inhoud van hierdie omsendbrief onder die aandag van alle betrokke amptenare. |
GETEKEN: BK SCHREUDER
HOOF: ONDERWYS
DATUM: 2017:09:20
|
 |