2. |
Artikel 38 van die SASW lees soos volg:
"38(1) 'n Beheerliggaam van 'n openbare skool moet elke jaar 'n begroting voorberei in ooreenstemming met voorskrifte soos bepaal deur die Lid van die Uitvoerende Raad in 'n Provinsiale Koerant, wat die beraamde inkomste en uitgawe van die skool vir die volgende boekjaar uiteensit. (2) Voordat 'n begroting bedoel in subartikel (1) deur die beheerliggaam goedgekeur word, moet dit aan 'n vergadering van ouers wat met minstens 30 dae kennisgewing belę is, voorgelę word vir oorweging en goedkeuring deur 'n meerderheid van ouers teenwoordig wat stem. (3) Die kennisgewing in subartikel (2) beoog moet ook die ouers inlig dat die begroting minstens 14 dae voor die vergadering by die skool ter insae sal wees." |
3. |
Wat artikel 38A betref, let asseblief daarop dat hierdie omsendbrief alle vorige omsendbriewe in hierdie opsig vervang en alle vorige omsendbriewe word dus as verval gereken. Die prosedure vir wanneer om artikel 38A aansoek gedoen word, word verder in hierdie omsendbrief en Die Aansoekprosedure (hierby aangeheg) uiteengesit. |
4. |
Die indiening van volledig ingevulde artikel 38A-aansoeke vir 2018 sal vanaf 01 Augustus 2017 aanvaar word. Daarna moet aansoeke jaarliks vanaf 01 Augustus ingedien word. |
5. |
Volledig ingevulde aansoeke sal binne vier weke na ontvangs gefinaliseer word en onvolledige aansoeke sal met redes terugbesorg word, waarna dit slegs as 'n nuut ingediende aansoek heroorweeg sal word wanneer 'n volledig ingevulde aansoek ingedien word. |
6. |
Skoolbegrotings en begrotingvergaderingnotules is nie nodig nie en sal nie as deel van artikel 38A-aansoeke gebruik word nie. |
7. |
Beheerliggame word ingevolge artikel 38A(8) van die SASW versoek om seker te maak dat die uitgawe ten opsigte van artikel 38A duidelik gemerk word as 'n item op die goedgekeurde begroting wat by die distrikskantoor ingedien word. |
8. |
Daar word van beheerliggame verwag om slegs van die aangehegte Bylae A1, A2 en A3, soos deur die WKOD verskaf, gebruik te maak. Bylaes op skoolbriefhoofde of enige ander gewysigde bylaes sal nie aanvaar word nie en sodanige aansoeke sal as onvolledig gereken word. Bylaes A1, A2 en A3 moet deur die voorsitter van die beheerliggaam, soos aangedui op die aangehegte vorms, geteken word; ongetekende bylaes sal as onvolledig gereken word. |
9. |
Die beheerliggame se aandag word ook spesifiek gevestig op subparagraaf 1.4 van Die Aansoekprosedure (aangeheg) wat die prosedure wat gevolg moet word wanneer daar aansoek gedoen word om addisionele vergoeding vir nuut aangestelde WKOD-werknemers wat deur die loop van die jaar, na goedkeuring van die aanvanklike artikel 38A-aansoek, aangestel word. |
10. |
Nienakoming van die prosedure, soos in hierdie omsendbrief uiteengesit, en Die Aansoekprosedure sal tot 'n moontlike weiering van die aansoek lei. |
11. |
Bring asseblief die inhoud van hierdie omsendbrief onder die aandag van alle betrokke rolspelers. |
GETEKEN: BK SCHREUDER
HOOF: ONDERWYS
DATUM: 2017:09:06
|
![](images/shim.gif) |