1. Soos uiteengesit in Omsendbrief S8 van 2016, sal die Departement van Basiese Onderwys (DBO) werkboeke vir die 2018 skoolkalenderjaar druk en aan alle openbare skole (gewone en spesiale skole) in die Wes-Kaap versprei.
1.1 Die volgende boeke sal direk by skole afgelewer word:

  1. Graad R-werkboeke;
  2. Graad 1 tot 6 Huistale;
  3. Graad 1 tot 3 Wiskunde in die taal van leer en onderrig (TLO);
  4. Graad 4 tot 9 Wiskunde in Engels en Afrikaans;
  5. Graad 1 tot 6 Eerste Addisionele Taal in Engels; en
  6. Graad 1 tot 3 Lewensvaardighede (slegs vir kwintiel 1 tot 3-skole).
1.2 Volume 1 vir 2018 (Kwartaal 1 en 2) en graad R sal teen 29 September 2017 by alle skole afgelewer word.
1.3 Volume 2 vir 2018 (kwartaal 3 en 4) en Lewensvaardighede vir kwintiel 1 tot 3 sal teen 30 November 2017 by alle afgelewer word.
1.4 Volgens die DBO Omsendbrief S6 van 2017, sal graad 1 tot 3 Lewensvaardighede werkboeke gedruk en by kwintiel 1 tot 3-skole afgelewer word.

2. Gedurende Maart 2017 is die Wes-Kaap Onderwysdepartement (WKOD) versoek om die DBO van die geprojekteerde leerdertalle te voorsien vir werkboeke wat vir 2018 gedruk en afgelewer moes word. Die leerdertalle wat aan die DBO voorsien is, is gebaseer op die betrokke SOBIS inligting wat op daardie tydstip beskikbaar was.

3. Die getal werkboeke wat by elke skool afgelewer moet word, stem ooreen met die leerdertalle wat deur die WKOD aan die DBO voorsien is. Die getal werkboeke wat skole volgens graad van die DBO vir aflewering kan verwag, kan op die Leer- en Onderrigondersteuningsmateriaal (KABV-handboeke) -webblad op die WKOD se webblad http://wcedonline.pgwc.gov.za/branchPS/LTSM/index.html) besigtig word.

4. 'n Riglyndokument wat die prosedure voor en tydens die aflewering van die werkboeke uiteensit, is by hierdie omsendbrief as Bylaag A aangeheg.

5. Wanneer die werkboeke deur die DBO-diensverskaffer afgelewer word, word van skole verwag om die getal werkboeke wat afgelewer is met die getalle wat op die bogenoemde weblad voorsien is, te vergelyk. Enige aflewerings in die verkeerde taal of enige tekorte moet op die afleweringsbewys (AB) aangedui en met die diensverskaffer wat die werkboeke namens die DBO afgelewer het, opgeneem word.

6. Die DBO laai die ABfs van elke skool op http://www.schoolmaster.org.za en skole en distrikte word aangemoedig om afleweringsbesonderhede op hierdie webblad te verifieer. Die skool se OBIS-nommer kan gebruik word om op die weblad aan te teken.

7. Gedurende Oktober 2017 sal daar van alle skole waar handboeke afgelewer is, verwag word om die geprojekteerde leerdertalle vir 2018 en die werklike getal werkboeke van elke vak wat van die DBO ontvang is volgens graad op SOBIS vas te le. In die proses sal tekorte en surplusse geidentifiseer en aan die distrikte gekommunikeer word. Die verslag sal op EduInfoSearch beskikbaar wees.

8. Toepaslike distriksamptenare sal vir die fasilitering van die verspreiding van werkboeke wat as tekorte geidentifiseer is, verantwoordelik wees.

9. Bring asseblief die inhoud van hierdie omsendbrief onder die aandag van alle tersaaklike personeel.


GETEKEN: BK SCHREUDER
HOOF: ONDERWYS
DATUM: 2017:08:09

Bylae A: Riglyne vir die ontvangs van graad R tot 9-werkboeke vir die 2018 skooljaar  (grootte: 63 KB)
Bylae B: "Workbook recording template"  (grootte: 94 KB)