| 2. |
Nie-artikel 21-skole sal vanaf 07 tot 11 Augustus 2017 'n laaste geleentheid kry om skryfbehoeftes en skoonmaakmiddels wat hulle in 2018 wil gebruik, aanlyn te bestel. |
| 3. |
Die riglyne sal op die Sentrale Onderwysbestuursinligtingstelsel (SOBIS) geplaas word om te verduidelik hoe om die bykomende skryfbehoeftes en skoonmaakmiddelbehoeftes in te voeg en af te teken. |
| 4. |
Die Wes-Kaap Onderwysdepartement (WKOD) sal namens nie-artikel 21-skole bestellings vir die skryfbehoeftes en skoonmaakmiddels wat aangevra is by gekontrakteerde verskaffers plaas, soos uiteengesit in omsendbriewe 0012/2017 en 0005/2015. |
| 5. |
Skole kan slegs 'n aanlyn-bestelling, vir die items wat op die skryfbehoeftes- en skoonmaakmiddelkatalogusse gelys is, plaas (hierby aangeheg). |
| 6. |
Let asseblief daarop dat die skryfbehoeftekontrak nie die voorsiening en aflewering van kopieerpapier en drukkasette bied nie. Hierdie items, asook ander items wat nie in die skryfbehoefte- en skoonmaakmiddelkatalogusse uiteengesit is nie, sal afsonderlik verkry word deur kwotasies wat via die Integrated Procurement Solution (IPS) aangevra word.
Om tydige aflewering te verseker, moet skole teen nie later nie as 11 Augustus 2017, die betrokke rekwisisies (op die WKOD 026-vorm) by die leer- en onderrigondersteuningsmateriaal (LOOM) -kantoor indien. |
| 7. |
Skole word versoek om hulle norme-en-standaarde (N&S) -fondse vir plaaslike aankope te gebruik om sodoende al hul skryfbehoefte- en skoonmaakmiddelbehoeftes te dek. Dit is dus baie belangrik dat skole noukeurig met die beplanning en bestuur van hul N&S-fondse te werk gaan om die beskikbaarheid van voldoende fondse vir hulle behoeftes te verseker. Ten einde skole in hierdie opsig te help, sal bevestiging van bestellings en die waarde daarvan na skole aangestuur word soos bestellings verwerk word. |
| 8. |
Bring asseblief die inhoud van hierdie omsendbrief onder die aandag van alle betrokke amptenare. |
GETEKEN: L ELY
WAARNEMENDE HOOF: ONDERWYS
DATUM: 2017:07:19
|
 |