1. Artikel 43(1) aanstellings

Ingevolge artikel 43(1) van die SASW, moet 'n beheerliggaam van 'n openbare skool 'n persoon aanstel om as 'n ouditeur ingevolge die Wet op die Ouditprofessie, 2005 (Wet 26 van 2005) die rekords en finansiele state soos na verwys in artikel 42 van die SASW, te oudit.

2. Dokumentasie ingevolge artikel 43(1)-aanstellings
2.1 'n Openbare skool moet die volgende dokumentasie ten opsigte van die persoon wat gekies is om die funksies ingevolge artikel 43(1) van die SASW uit te voer, indien:
2.1.1 Die beheerliggaam se notule van die vergadering wat bepaal dat daardie spesifieke ouditeur aangestel is. Hierdie notule moet op 'n skoolbriefhoof aangebring en deur die voorsitter of sekretaresse van die beheerliggaam onderteken en gedateer word. (Let asseblief daarop dat verwys moet word na die relevante subparagraaf wat met die aanstelling van die ouditeur verband hou.)
2.1.2 'n Gesertifiseerde afskrif van bewys van registrasie as 'n ouditeur.

3. Aanstellings ingevolge artikel 43(2)(a)
3.1 In die geval waar 'n oudit soos na verwys in artikel 43(1) van die SASW, nie redelikerwys uitvoerbaar is nie, moet die beheerliggaam van 'n skool 'n persoon aanstel om die rekords en finansiele state van die skool te ondersoek en daaroor verslag te doen, soos na verwys in artikel 42 van die SASW. Ingevolge artikel 60 van die Wet op Beslote Korporasies, 1984 (Wet 69 van 1984), soos bepaal in artikel 43(2)(a) van die SASW, moet hierdie persoon gekwalifiseerd wees om die pligte van 'n rekenpligtige beampte uit te voer.
3.2 Hier volg 'n lys van professionele liggame waarmee rekenpligte beamptes geassosieer kan word:

  • Suid-Afrikaanse Instituut van Geoktrooieerde Rekenmeesters (SAIGR)
  • Ouditeure wat by die Onafhanklike Regulerende Raad vir Ouditeure (ORRO/PAAB) geregistreer is
  • Geoktrooieerde Sekretarisse van Suider-Afrika (GSSA/ICSA)
  • Geoktrooieerde Instituut van Bestuursrekenmeesters (GIBR)
  • Suid-Afrikaanse Instituut vir Professionele Rekenmeestersprofessie (SAIPR)
  • Instituut vir Rekeningkunde & Handel (IAC)
  • Vereniging van Geoktrooieerde Gesertifiseerde Rekenmeesters (VGGR)
  • Geoktrooieerde Instituut van Besigheidsbestuur (CIBM)
  • Die Suid-Afrikaanse Instituut vir Besigheidsouditeure (SAIBO)
  • Die Suid-Afrikaanse Instituut vir Owerheidsouditeure (SAIGA)
4. Dokumentasie vir aanstellings ingevolge artikel 43(2)(a)
4.1 'n Openbare skool moet die volgende dokumentasie ten opsigte van die persoon wat gekies is om die funksies ingevolge artikel 43(2)(a) van die SASW uit te voer, indien:
4.1.1 Die beheerliggaam se notule wat bepaal dat die spesifieke rekenpligtige beampte aangestel is. Hierdie notule moet op 'n skoolbriefhoof aangebring en deur die voorsitter of sekretaresse van die beheerliggaam onderteken en gedateer word. (Let asseblief daarop dat daar na die relevante subparagraaf wat met die aanstelling verband hou, verwys moet word.)
4.1.2 'n Gesertifiseerde afskrif van bewys van registrasie as 'n rekenpligte beampte by een van die professionele liggame soos in paragraaf 3.2 gelys.

5. Aanstellings ingevolge artikel 43(2)(b)

Wanneer dit nie redelikerwys prakties is om 'n persoon ingevolge artikel 43(1) of artikel 43(2)(a) aan te stel nie, moet 'n openbare skool 'n persoon aanstel wat aangestel is deur die Minister verantwoordelik vir onderrig in die Wes-Kaap om die rekords en finansiële state te ondersoek en daaroor verslag te doen, soos na verwys in artikel 42 van die SASW.

6. Dokumentasie ingevolge artikel 43(2)(b)-aanstellings
6.1 Die beheerliggaam van 'n openbare skool moet die volgende dokumentasie indien vir goedkeuring van 'n sodanige aanstelling:
6.1.1 Die beheerliggaam se notule van die vergadering wat bepaal dat daardie spesifieke rekenpligtige beampte aangestel is. Hierdie notule moet op 'n skoolbriefhoof aangebring en deur die voorsitter of sekretaresse van die beheerliggaam onderteken en gedateer word. (Let asseblief daarop dat daar na die relevante subparagraaf wat met die aanstelling verband hou, verwys moet word.)
6.1.2 'n Voltooide SBM02-aansoekvorm (sien bylaag A).
6.1.3 'n Onlangs bygewerkte CV (dokumentasie wat die relevante werkservaring toon).
6.1.4 Gesertifiseerde afskrifte van kwalifikasies (daar word aanbeveel dat die persoon oor 'n finansiele kwalifikasie/graad moet beskik).
6.1.5 'n Gesertifiseerde afskrif van die aansoeker se identiteitsdokument.

7. Algemeen
7.1 Inligting soos na verwys in paragrawe 2, 4 en 6 moet aan die relevante distrikskantoor gestuur word om vir volledigheid nagegaan te word.
7.2 Die distrikskantoor sal onvolledige aansoeke na skole terugverwys.
7.3 Distrikskantore moet volledige inligting en aansoeke, soos na verwys in paragraaf 7.1, via e-pos aan Hoofkantoor stuur by:

Elton.Bezuidenhout@westerncape.gov.za en CC Ryan.Dawson@westerncape.gov.za

Of

pos na/met die hand aflewer by Grand Central Towers, 7de Vloer, Kamer 7-18, Laer Parlementstraat, Kaapstad, of vir die aandag van R Dawson, Direktoraat: Bestuursrekeningkunde, Wes-Kaap Onderwysdepartement, Privaatsak X9114, Kaapstad 8000.
7.4 Onvolledige aansoeke sal na die distrikskantoor terugverwys word.
7.5 Die aansoekproses sal saamval met die verkiesing van 'n nuwe beheerliggaam en sal vir 'n driejaarsiklus van krag wees.
7.6 Ouditeursbesonderhede sal op die SOBIS beskikbaar wees. Toegang kan soos volg verkry word:

  • Teken aan op SOBIS.
  • Kies "Public Ordinary".
  • Klik op "Submit".
  • Klik op "Proceed", beweeg die wyser na die "Administration" menu-item en klik op "General Information".
7.6.1 Volg die toepaslike prosedure soos uiteengesit in hierdie omsendbrief om die ouditeur se besonderhede wat vertoon word te verander.
7.6.2 Vir u gerief en as bevestiging, sal 'n volledige lys van die goedgekeurde ouditeure op die SOBIS beskikbaar gestel word.

8. Bring asseblief die inhoud van hierdie omsendbrief onder die aandag van alle betrokkenes, insluitende die ouditeur, rekenpligtige beampte of persoon wat aangestel is om hierdie dienste te verrig.


GETEKEN: BK SCHREUDER
HOOF: ONDERWYS
DATUM: 2017:12:15

"South African Schools Act (SASA), 1996 (Act 84 of 1996)"  (grootte: 255 KB)
"Bylae A"  (grootte: 55 KB)