1. Hierdie omsendbrief lig alle openbare skole, wat leerders van graad 8 en hoër inskryf, van die Wes-Kaap Onderwysdepartement (WKOD) se voorneme in om forums of strukture vir die Verteenwoordigende Raad van Leerders (VRL’s) in al agt onderwysdistrikte in te stel en stel hiermee die WKOD-raamwerk vir die Instelling van Forums vir VRL’e bekend.

2. Die aangehegte raamwerk lig alle openbare skole van die prosesse en prosedures vir die instelling en funksionering van VRL-forums in.

3. Wetgewende raamwerk
3.1 Die Suid-Afrikaanse Skolewet (SASW), 1996 (Wet 84 van 1996)
3.2 Die Wysigingswet van Onderwyswette, 2001 (Wet 57 van 2001)
3.3 Die Wes-Kaapse Provinsiale Wet op Skoolonderwys, 1997 (Wet 12 van 1997)
3.4 Die Bepaling van die Werksaamhede en Prosedures vir die Instelling en Verkiesing van Verteenwoordigende Rade van Leerders by Openbare Skole, soos gepubliseer in Buitengewone Provinsiale Koerant 7317 van 13 Oktober 2014.

4. Artikel 11 van die Wes-Kaapse Provinsiale Wet op Skoolonderwys, (Wet 12 van 1997) bepaal dat 'n Wes-Kaapse Onderwysraad, wat daarop gemik is om die provinsiale minister en die WKOD oor provinsiale onderwyssake te adviseer, ingestel word. Die raad word gevorm deur aangestelde en genomineerde lede van die publiek wat by die onderwyssektor betrokke is. Die grondwet van die raad laat nie die deelname van VRL-lede toe nie.

5. Die SASW bepaal dat leerders groter deelname aan die demokratiese funksionering van skole het. Elke openbare skool wat leerders in graad 8 en hoer inskryf, moet 'n VLR instel. Dit benadruk die fundamentele grondwetlike beginsels van kooperatiewe beheer en deelnemende bestuur. Die SASW bepaal die deelname van leerders om op die beheerliggaam te dien en dat hulle van 'n regmatige geleentheid voorsien word om 'n rol in skoolbeheer te speel.

6. Alhoewel die VRL 'n statutere liggaam is soos deur die SASW bepaal, verskaf nog die SASW nog enige ander wet 'n raamwerk vir VRL-forums.

7. Die WKOD wil dus forums daarstel sodat VRL-lede 'n geleentheid kan kry om op beide distriks- en provinsiale vlak oor kwessies van gemeenskaplike belang te beraadslaag.

8. Die aangehegte raamwerk het ten doel om kringe/klusters en distrikte te help om hierdie forums in te stel.

9. Die raamwerk toon hoe skool-, kring-/kluster-, distriks- en provinsiale strukture gekies behoort te word met die verwagting om die belange van die leerders op elke spesifieke vlak te dien.

10. Die inhoud van die raamwerk moet nagekom word, en 'n demokratiese en regverdige proses moet ten alle tye bevorder word.

11. Die primêre rede waarom leerders by die skool is, behoort altyd in ag geneem te word wanneer vergaderings gereel word en tyd af van skool moet tot 'n minimum beperk word

12. Rig asseblief alle navrae aan die betrokke distriks- VRL-koordineerder:

  • Distrik Metro-Oos: Me May-Joan Swartz, tel. nr. 021 900 7253
  • Distrik Metro-Suid: Me Reginald Dreyer, tel. nr. 021 374 4107
  • Distrik Metro-Noord: Mnr David Leonard, tel. nr. 021 938 3170
  • Distrik Metro-Sentraal: Me Anusha Naidoo, tel. nr. 021 514 6700/6716
  • Distrik Kaapse Wynland: Mnr Fred Josias, tel. nr. 023 348 4600
  • Distrik Weskus: Mnr Tommy Loriston, tel. nr. 021 860 1200
  • Distrik Overberg: Mnr Mike Kobus, tel. nr. 028 214 7368
  • Distrik Eden en Sentrale Karoo: Me Sinovuyo Stofile, tel. nr. 044 803 8300/8315
13. Bring asseblief die inhoud van hierdie omsendbrief en die aangehegte raamwerk onder die aandag van alle betrokkenes.


GETEKEN: BK SCHREUDER
HOOF: ONDERWYS
DATUM: 2017:04:26

WKOD-Raamwerk vir die instelling van forums vir Verteenwoordigende Rade van Leerders (VRL’e)  (grootte: 105 KB)
"South African Schools Act (SASA), 1996 (Act 84 of 1996)"  (grootte: 255 KB)
"Western Cape Provincial School Education Act, 1997 (Act 12 of 1997)"  (grootte: 61 KB)
"Provincial Gazette Extraordinary 7317"  (grootte: 288 KB)