| 1. |
Hierdie omsendbrief vervang Omsendbrief 0012/2008: Die vestiging van 'n skoolassesserings-onreelmatighede komitee. |
| 2. |
Die Regulations pertaining to the Conduct, Administration and Management of Assessment for the National Senior Certificate, soos gepubliseer in Staatskoerant 31337, gewysig op 16 Mei 2014, dui aan dat elke skool 'n Skoolassesseringsonreelmatigheidskomitee (SAOK) moet stig. |
| 3. |
Interne assesseringsonreelmatighede waarby leerders en onderwysers betrokke is, moet op skoolvlak ooreenkomstig die riglyne (Bylae A en B), wat deur die Wes-Kaap Onderwysdepartement (WKOD) verskaf is, deur die SAOK hanteer word. |
| 4. |
Die SAOK moet aandag skenk aan alle assesseringsonreëlmatighede, in die Algemene Onderwys- en Opleiding- (AOO-) en Verdere Onderwys- en Opleidings-(VOO-) band. |
| 5. |
Daar word van skole verwag om hul SAOKfs te stig en ten volle funksioneel te hê. Die proses, rolle en verantwoordelikhede van die SAOK moet in die skool se assesseringsbeleid gespesifiseer word. Aangeheg by hierdie omsendbrief as Bylae A is riglyne oor die samestelling van die SAOK en die regsgeldigheid van sodanige komitee. Moontlike onrelmatighede en riglyne rakende sanksies is as Bylae B aangeheg. |
| 6. |
Daar word van kringbestuurders, in samewerking met distriksassesseringskordineerders, verwag om seker te maak dat alle skole SAOKs gestig het en dat die SAOKs ten volle funksioneel is. Elke drie jaar moet prinsipale die kringbestuurder skriftelik in kennis stel oor die samestelling van die SAOK sodat hy/sy die struktuur daarvan kan goedkeur. |
| 7. |
Die Departement van Basiese Onderwys versoek jaarliks inligting oor die samestelling en funksionering van SAOKs. Die WKOD sal hierdie inligting gedurende die tweede kwartaal van 2017 by skole versoek. |
| 8. |
U samewerking in hierdie opsig sal waardeer word. |
GETEKEN: BK SCHREUDER
WAARNEMENDE ADJUNK-HOOF: ONDERWYS
DATUM: 2017:04:12
|
 |