| 1. |
Skole word hiermee in kennis gestel van die eerste aanlyn geleentheid vanaf 18 tot 26 April 2017 om skryfbehoeftes en skoonmaakmateriale vir gebruik in 2018 te bestel. |
| 2. |
In 2016 is skole in Omsendbrief 0016/2016 meegedeel oor die twee afsonderlike kontrakte wat deur die Wes-Kaap Onderwysdepartement (WKOD) vir die bestel van skryfbehoeftes en skoonmaakmateriale aangegaan is, asook die bestelproses wat ten opsigte van die genoemde kontrakte, wat op nie-artikel 21-skole van toepassing is, gevolg moet word. |
| 3. |
Die bovermelde kontrakte, wat 'n einddatum van 31 Maart 2017 het, is nou vir nog drie maande vanaf 01 April tot 30 Junie 2017 verleng om onafgebrokenheid te verseker terwyl 'n nuwe tenderproses in werking tree. |
| 4. |
Riglyne sal op SOBIS beskikbaar gestel word om te verduidelik hoe bestellings vir skryfbehoeftes en skoonmaakmateriale vasgele en afgeteken moet word. |
| 5. |
Die WKOD sal, soos uiteengesit in Omsendbrief 0005/2015, bestellings namens nieartikel 21-skole by gekontrakteerde diensverskaffers plaas vir die skryfbehoeftes en skoonmaakmateriale wat aangevra word. |
| 6. |
Skole mag slegs aanlyn bestellings vir die items, wat in die hersiene katalogus vir skryfbehoeftes en skoonmaakmateriale gelys is (hierby aangeheg), plaas. |
| 7. |
Let asseblief daarop dat die kontrak vir skryfbehoeftes nie voorsiening maak vir die verskaffing en aflewering van kopieerpapier of drukkasette nie. Hierdie items, sowel as ander items wat nie in die katalogusse vir skryfbehoeftes en skoonmaakmateriale gelys word nie, sal apart deur kwotasies verkry word wat deur die "Integrated Procurement Solution (IPS)" aangevra word. In hierdie opsig, moet skole rekwisisies (WKOD-026-vorms) teen nie later nie as 26 April 2017, aan die LOOM-kantoor stuur om tydige aflewering te verseker. |
| 8. |
Daar sal van skole verwag word om van hul norme-en-standaarde- (N&S) fondse vir plaaslike aankope te gebruik om al hul nodige skryfbehoeftes en skoonmaakmateriale te dek. Dit is dus baie belangrik vir skole om sorgvuldig te werk te gaan wanneer hulle bepaal hoe hulle N&S-fondse bestuur word om sodoende die beskikbaarheid van voldoende fondse vir hul vereistes te verseker. Skole sal in hierdie verband bygestaan word, met die dat bevestiging van bestellings en die waarde daarvan aan hulle gestuur sal word soos wat bestellings verwerk word. |
| 9. |
Skole word aangemoedig om van hierdie geleentheid gebruik te maak om die meerderheid van hul behoeftes te bestel en sal vanaf 07 tot 11 Augustus 2017 'n tweede geleentheid kry om nog items te bestel om moontlike addisionele behoeftes te dek. |
| 10. |
Bring asseblief die inhoud van hierdie omsendbrief onder die aandag van alle betrokke amptenare. |
GETEKEN: BK SCHREUDER
HOOF: ONDERWYS
DATUM: 2017:03:27
|
 |