1. Die groei in digitale tegnologie en die toename van sosialemedia-platforms oor die afgelope paar jaar het die manier waarop mense kommunikeer en inligting deel totaal hervorm.

2. Wanneer dit in 'n skoolomgewing gebruik word, hou dit eindelose voordele vir leerders in, maar die vervaging van sosiale en professionele grense moet egter vermy word omdat dit tot lastige of andersins onvanpaste onthullings kan lei.

3. Riglyne is dus ontwikkel ten einde bewustheid te skep van die potensiele voordele en risiko's wat met sosiale media en sosiale netwerking geassosieer word en om leiding oor die gebruik van sosiale media tussen leerders, leerders en opvoeders, en tussen 'n ouer van 'n leerder en 'n opvoeder by 'n openbare skool te bied.

4. Die aangehegte riglyne dek die volgende aspekte:

  1. Gebruik van sosiale media en sosiale netwerking
  2. Sosiale media en onderwys
  3. Rolle en verantwoordelikhede
  4. Nadele van sosiale media
  5. Templaat vir die opstel van 'n skoolbeleid oor sosiale media en sosiale netwerking
  6. Veiligheidsrisikofs met betrekking tot die gebruik van sosiale media en sosiale netwerking deur leerders
5. Let asseblief daarop dat advertensies van 'n politieke of seksuele aard, of die bevordering van die gebruik van drank, tabak of enige verwante produkte op enige van die skool se sosialemedia-platforms nie toegelaat word nie.

6. Prinsipale word vriendelik versoek om die aangehegte riglyne onder die aandag van lede van die personeel en beheerliggame te bring.


GETEKEN: L. ELY
WAARNEMENDE HOOF: ONDERWYS
DATUM: 2017:03:17

Riglyne oor sosiale media en sosiale netwerking in openbare skole, 2017  (grootte: 90 KB)
Bylae A: Templaat vir die opstel van 'n skoolbeleid oor sosiale media en sosiale netwerking  (grootte: 54 KB)
Bylae B: Veiligheidsrisikos met betrekking tot die gebruik van sosiale media en sosiale netwerking deur
leerders, 2017  (grootte: 36 KB)