1. Ingesluit is 'n afskrif van die finale rooster vir die Nasionale Senior Sertifikaat (NSS) Eksamen van Oktober – November 2017.
2. Die eksamen is geskeduleer om op 23 Oktober 2017 te begin en eindig op 28 November 2016. Rekenaartoepassingstegnologie Vraestel 1 (Prakties) en Inligtingstegnologie Vraestel 1 (Prakties) sal op 16 en 17 Oktober 2017 onderskeidelik geskryf word.
3. Twee eksamensessies is vir elke dag geskeduleer. Die oggendsessie sal om 09:00 begin en die middagsessie om 14:00.
4. Normale klasse moet voortduur tot 13 Oktober 2017, om soveel onderrigtyd as moontlik te verseker. Prinsipale van skole mag kies om die graad 12-leerders van 2017 toe te laat om tuis te studeer vanaf 16 Oktober 2017 met die oog op voorbereiding vir die NSSeksamen.
5. Prinsipale word versoek om alle roosterbotsings aan die WKOD te rapporteer. Sulke verslae moet skriftelik ingedien word teen Vrydag 28 April 2017 by die volgende adres:

Hoof: Onderwys
Vir aandag: Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
KAAPSTAD
8000
Faksno. : 021 467 9370 / 086 668 9761
E-posadres: tebo.magwaca@westerncape.gov.za

6. Prinsipale moet alle kandidate wat die Nasionale Senior Sertifikaat-eksamen skryf inlig dat hulle hulle skooldrag moet dra vir elke eksamensessie, en dat hulle beskikbaar moet wees tot op die laaste dag van die skoolkwartaal (06 Desember 2017), indien dit om enige rede nodig sou wees om 'n bepaalde vraestel te herskeduleer.


GETEKEN: L ELY
WAARNEMENDE HOOF: ONDERWYS
DATUM: 2017:03:17

Nasionale Senior Sertifikaat-eksamenrooster Oktober - November 2017 (Finale)  (grootte: 53 KB)