| 1. | UKUFIKELELA KWINGCACISO |
| 1.1 | Iinkcukacha zolwabiwo-mali ngokwemimiselo nemigangatho ((N&S) allocation) yolwabiwo-mali yeBakala R kunyaka-mali oqala nge-01 Apreli 2016 ukuya kwi-31 Matshi 2017 ziyafumaneka kwi-CEMIS yaye zinokufunyanwa ngale ndela ilandelayo: Loga kwi-CEMIS. Klikha ku-"Proceed". Yisa ikhesa kwi-ayithem yemenyu "Administration" uze uklikhe ku-"Norms and Standards Allocation". Khetha u-"N&S 2016" Liprinte elo phepha. |
| 1.2 | Kucelwa uthathele ingqalelo oku kulandelayo: Izabelo zolwabiwo-mali zibalwe ngokweMimiselo neMigangatho i-National Norms and Standards for Grade R Funding, efakelwe izilungiso kwi-Gazethi kaRhulumente No 29179 ye-31 Agasti 2006. Ileta yesabelo senkxaso-mali ibandakanya iinkcukacha zesabelo esiqikelelweyo ukulungiselela unyaka-mali ka-2016/17, kwakunye nezabelo zethutyana (provisional allocations) zoonyaka-mali ababini abalandelelanayo o.k.t. u-2017/18 no-2018/19. Zonke izabelo zabalwa ngokwamanani obhaliso lwabafundi kwiCEMIS njengoko ayenjalo nge-31Julayi 2015. |
| 2. | UKUBALWA KWESABELO SENKXASO-MALI YEBAKALA R |
| 2.1 | Kuvunyiwe ukuhlawulwa kwezi nkxaso-mali zilandelayo zabafundi abakwiiklasi zeBakala R ezivunyiweyo kwizikolo zikarhulumente eziqhelekileyo nabakumaziko abhalisiweyo e-ECD nakumaziko azimeleyo ukususela nge-01 Apreli 2016: |
| 2.1.1 | Izikolo zikarhulumente eziqhelekileyo (zonke izikolo ezilawulwa ngurhulumente ezifundisa iBakala R): Inkxaso-mali ngomfundi ngamnye (Per capita subsidy):
Isixa sesabelo-mali se-LTSM: Esona sixa sesabelo-mali sisezantsi: |
| 2.1.2 | Izikolo eziziipriprayimari zikarhulumente: Isikolo ngasinye esiyipriprayimari karhulumente siya kufumana isabelo-mali semimiselo nemigangatho esiyi-R17 ngomfundi ngamnye ngosuku. |
| 2.1.3 | Amaziko azimeleyo (zonke izikolo ezilawulwa ngamaqumrhu abucala ezifundisa iBakala R): Inkxaso-mali ngomfundi ngamnye (Per capita subsidy):
|
| 2.2 | Bonke abafundi beBakala R mababhaliswe kwiCEMIS ukwenzela ukuba bafaneleke kwinkxaso-mali. |
| 3. | ISHEDYULI YENTLAWULO
Inani leentsuku zesikolo ezivunyiweyo ngonyaka wezifundo ngamnye liya kusetyenziswa ekubaleni inkxaso-mali, yaye yi-50% yesabelo senkxaso-mali eya kuhlawulwa njengesixa sesavenge sika-Apreli size isixa esiseleyo esiyi-50% sihlawulwe njengesixa sesavenge sika-Oktobha.
Inkqubo entsha yokusetyenziswa kwekhompyutha (automated process) yezicelo zamabango enkxaso-mali yeBakala R kusetyenziswa i-CEMIS, iya kuqaliswa kunyaka wesikolo ka-2016 ize iphunyezwe ukususela kunyaka-mali ka-2016/17. Le nkqubo yokusetyenziswa kwekhompyutha iya kuwuphucula umgangatho wedatha ngokuzithatha (extracting), ukuzifaka (capturing) nangokuzingqinisisa (verifying) kwisistim izicelo zenkxaso-mali yeBakala R ezikolweni, kwizithili nakwaNdlunkulu. Oku kuya kutshintsha inkqubo yangoku yamabango enkxaso-mali eyenziwa ngesandla. Imbalelwano engaphezulu ngale nkqubo intsha yokusetyenziswa kwekhompyutha, iya kulandela ngo-2016. |
| 4. | IZIKOLO EZINGABIZI ZIFIZI EZIFUNDISA IBAKALA R
Izikolo ezingabizi zifizi ezifumana inkxaso-mali yeBakala R kurhulumente zingangavumeleki ukubiza iifizi zesikolo zabafundi beBakala R (makufundwe uxwebhu National Financial Management Guidelines in Respect of Schools Offering Grade R Classes, October 2009, iphepha 4). Abazali banokucelwa benze igalelo ngokuzithandela (voluntary contributions). Ezi ntlawulo azinyanzelekanga yaye mazingaze zisetyenziselwe ukuvalela ngaphandle abafundi abanabazali abangenako ukwenza eli galelo lilolu hlobo. |
| 5. | UKUSETYENZISWA KWESABELO SENKXASO-MALI YEBAKALA R |
| 5.1 | Umvuzo wepraktishina yeBakala R Ziyakhunjuzwa izikolo ukuba iipraktishina zeBakala R kuzo zonke izikolo mazifumane isabelo senkxaso-mali epheleleyo eyi-80% nesiya kuhlawulwa kabini ngonyaka ngomatshini (transferred bi-annually). Amabhunga olawulo ezikolo ze-NQ 4 no-NQ 5 makawongeze umvuzo wepraktishina yeBakala R ukwenzela ukuba ipraktishina ifumane isixa esingaphezulu kwesona sixa somvuzo sisezantsi se-R7 360 ngenyanga. Iipraktishina zeBakala R kwizikolo ezingabizi zifizi zinelungelo lesixa esipheleleyo esiyi-80% senkxaso-mali. |
| 5.2 | Izibonelelo ezixhasa ukufunda nokufundisa (LTSM): Yi-10% yenkxaso-mali eyabelwa i-Learning and Teaching Support Material (LTSM) kubandakanywa iLTSM esetyenziswa ngaphakathi eklasini nesetyenziswa ngaphandle, elungiselelwe abafundi beBakala R. |
| 5.3 | Iindleko zokwenza umsebenzi: Enye i-10% yenkxaso-mali yabelwa ukuhlawula ii-akhawunti zeenkonzo (utility accounts) zeziko ezifana neentlawulo zeefoni, ii-akhawunti zamanzi nezombane, izinto zokufotokopa nokuprinta, nezinto zokucoca nokulondoloza iklasi (iiklasi) zeBakala R, nazo naziphi ezinye iinkonzo ezifunwa yipraktishina yeBakala R. |
| 6. | IIMFUNO ZOKUNIKA INGXELO
Makulandelwe iimfuno ezimiselweyo zokunika ingxelo eziqhelekileyo njengoko zichaziwe zii-ofisi zezithili, ukuqalisa ukwenza intlawulo yenkxaso-mali elandelayo. |
| 7. | ILETA ZOLWABIWO-MALI LOKUGQIBELA
Iileta zezabelo zokugqibela (ngokususelwa kumanani obhaliso esaveyi yeSNAP (SNAP survey enrolment) ziya kupapashwa kwiCEMIS ungadlulanga owe-31 Matshi 2016. |
| 8. | IINOMBOLO ZOQHAGAMSHELWANO XA UNEMIBUZO
|
|||||||||
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2016:02:03
