1. Iyaqhubeka ukukhula qho ngonyaka imfuno yeendawo zokufunda ezikolweni eziseNtshona Koloni. Ukwenzela ukuba kulawulwe ngokuyimpumelelo ukwamkelwa kwabafundi ezikolweni, kucelwa izikolo zilandele la maxesha amisiweyo alandelayo okwamkela abafundi.

2. Le migaqo icaciswe kule setyhula isebenza kwizicelo ezifunyenwe ngo-2017 zokwamkelwa kwabafundi kwizikolo zikarhulumente, ngo-2018.
2.1 Imihla efanayo yokwamkelwa kwabafundi yenza ukuba iSebe i-WCED libenako ukwenza izicwangciso ngokuyimpumelelo ngokungaphezulu ukwenzela ukubonelela ngeeklasi, amanani ezithuba ezabelwe izikolo, ukuthengwa kwe-LTSM nezinye iinkqubo zemfundo zongenelelo ngoncedo (systemic interventions), ezifunelwa ukuqinisekisa ukuba izikolo zikulungele ukuqalisa kunyaka ngamnye.
2.2 Oku kwenza ukuba abazali abanqwenela ukwenza izicelo kwizikolo zaseNtshona Koloni babenako ukufikelela kule nkqubo ngokungaphezulu.
2.3 Ziyacelwa izikolo ukuba zilandele la maxesha amisiweyo alandelayo okwamkelwa kwabafundi eSebe iWCED naya kusebenza kuzo zonke izikolo zikarhulumente eziqhelekileyo:

Umsebenzi Umhla
Izikolo zifaka amanani obhaliso acwangcisiweyo kwi-SAMI. 30 Januwari 2017
Kuvuliwe ukwamkelwa kwezicelo zokufunda zabafundi (kuzo zonke izikolo zikarhulumente eziqhelekileyo) 06 Februwari 2017
Kuvaliwe ukwamkelwa kwezicelo zabafundi zokufunda (kuzo zonke izikolo zikarhulumente eziqhelekileyo) 24 Matshi 2017
Kwaziswa abazali ngeleta ngesiphumo sesicelo 03 Meyi 2017
Abazali bangqina ukuyamkela indawo yokufunda 30 Juni 2017
Izikolo zizalisa iindawo ezikhoyo KwiKota yesi-3 ngo-2017

3. Ukufakwa kwengcaciso yokwamkelwa kwabafundi ngo-2017 kwisistim yeSebe iWCED (School Admissions Management Information (SAMI) system))
3.1 Niyacetyiswa ke ngoko ukuba kwimeko yokufaka isibheno sokungamkelwa komfundi (an admissions appeal), imbambano okanye umngeni wezomthetho (dispute or a legal challenge), zinokucelwa izikolo zinike iinkcukacha zesicelo ezifana nokuba sasisingethwe nini na nanjani na isicelo eso. Kuya kuthi emva koko kuthathwe ezi nkcukacha zikwisistim yeSAMI eliziko ledatha lengcaciso yokwamkelwa kwabafundi elisemthethweni leSebe iWCED.
3.2 Izikolo ke ngoko kufuneka zifake ZONKE izicelo ezifunyenwe kwisistim yeSAMI.
3.3 Imihla emisiweyo yokufakwa kwengcaciso yokwamkelwa kwabafundi kwiSAMI:
3.3.1 I-SAMI ivulelwa ukufaka amanani obhaliso acwangcisiweyo: 20 Januwari 2017
3.3.2 Izikolo zisayinela amanani obhaliso acwangcisiweyo: 30 Januwari 2017
3.3.3 Izikolo zifaka zonke izicelo ezifunyenwe kwiSAMI: 06 Februwari – kude kuzaliswe zonke iindawo
3.3.4 Izikolo zixela iziphumo sezicelo kwiSAMI: 28 Apreli 2017
3.3.5 Izikolo zizalisa iindawo ezikhoyo KwiKota yesi-3 ngo-2017
3.4 Ifankshini yeSAMI kwikhompyutha yenza uluhlu lwabafundi abangekafakwa ezindaweni ize ichaze ukuba zeziphi na izikolo ezisenazo iindawo zokufunda ezifumanekayo ngethuba lokusingathwa kwesicelo.
3.5 Kubalulekile ngoko ke ukuba izikolo zizifake ekhompyutheni zize ziziqwalasele izicelo ingadlulanga imihla emisiweyo ukuqinisekisa ukuba amagosa anengcaciso echanekileyo kuwo eya kusetyenziselwa ukwazisa abazali ngeendawo zokufunda ezifumanekayo.

4. Ukusombulula iimeko apho umfundi angayifumananga indawo yokufunda esikolweni

Amagosa ezithili achaphazelekayo athwele uxanduva lolawulo lokwamkelwa kwabafundi ezikolweni aya kukwazi ukufikelela kwiilisti zabafundi abangafakwanga ezindaweni (unplaced learners) nakwezo zendawo ezisafumanekayo ezikolweni kwizithili. La magosa aya kucelwa ukuba ancedise ekusombululeni iingxaki zokufakwa kwabafundi ezikolweni ngokuthethana nezikolo kwizithili nakwiisekethe zawo.
5. Ngenxa yokwanda kwemfuno yeendawo zokufunda ezikolweni, iSebe iWCED linethemba lokuba le migaqo iya kuzinceda izikolo nabazali. Sinqwenela ukubulela iinqununu, amabhunga olawulo namagosa ngenkxaso yawo ekufakeni bonke abafundi ezikolweni.

6. Yonke imibuzo emalunga noku kungentla ingabhekiswa ngqo kwigosa lesithili elichaphazelekayo.

7. Kucelwa wazise okukule setyhula bonke abachaphazelekayo ukuze bakuthathele ingqalelo.


ISAYINWE: NGU-BK SCHREUDER
INTLOKO EBAMBELEYO: YESEBE LEMFUNDO
UMHLA: 2016:09:28