| 1. | Ukufikelela kwingcaciso |
| 1.1 | Iinkcukacha zolwabiwo-mali ngokwemimiselo nemigangatho (N&S allocation) yolwabiwo-mali yeBakala R kunyaka-mali oqala ngowe-01 Apreli 2017 ukuya kwi-31 Matshi 2018 ziyafumaneka kwi-CEMIS yaye zingafikelelwa ngale ndlela ilandelayo: Loga ku-CEMIS. Klikha ku-"Proceed". Yalatha ngekhesa kwi-ayithem yemenyu u-"Administration" uze uklikhe ku-"Norms and Standards Allocation". Khetha u-"N&S 2017". Printa ikhasi elo. |
| 1.2 | Kucelwa uqwalasele oku kulandelayo: Ulwabiwo lweemali lwenziwa ngokweMimiselo neMigangatho kaZwelonke i-National Norms and Standards for Grade R Funding, efakelwe izilungiso kwi-Gazethi kaRhulumente No. 29179 ye-31 Agasti 2006. Ileta yesabelo senkxaso-mali ibandakanya iinkcukacha zesabelo esiqikelelweyo sonyaka-mali 2017/18, kwakunye nezabelo zethutyana (provisional allocations) zoonyaka-mali ababini abalandelelanayo, o.k.t. u-2018/19 no-2019/20. Zonke izabelo zabalwa ngokwamanani obhaliso lwabafundi kwi-CEMIS njengoko ayenjalo ngowe-01 Agasti 2016. |
| 2. | Ukubalwa kwesabelo senkxaso-mali yeBakala R |
| 2.1 | Kuvunyiwe ukuhlawulwa kwezi nkxaso-mali zilandelayo zabafundi abakwiiklasi zeBakala R ezivunyiweyo kwizikolo zikarhulumente eziqhelekileyo nabakumaziko abhalisiweyo ophuhliso lwemfundo yabafundi abasaqalayo nakumaziko azimeleyo ukususela ngowe-01 Apreli 2017: |
| 2.1.1 | Izikolo zikarhulumente eziqhelekileyo (zonke izikolo ezilawulwa ngurhulumente ezifundisa iBakala R): Inkxaso-mali ngomfundi ngamnye (Per capita subsidy):
Isixa sesabelo-mali se-LTSM: Esona sixa sesabelo-mali sisezantsi: |
| 2.1.2 | Izikolo eziziipri-prayimari zikarhulumente: Isikolo ngasinye esiyipri-prayimari karhulumente siya kufumana kuphela isabelo-mali semimiselo nemigangatho esiyi-R18 ngomfundi ngamnye ngosuku. |
| 2.1.3 | Amaziko azimeleyo (zonke izikolo ezilawulwa ngamaqumrhu abucala ezifundisa iBakala R): Inkxaso-mali ngomfundi ngamnye (Per capita subsidy):
|
| 2.2 | Bonke abafundi beBakala R mababhaliswe kwi-CEMIS ukwenzela ukuba bafanele ukufumana inkxaso-mali. |
| 3. | Ishedyuli yentlawulo
Inani leentsuku zesikolo ezivunyiweyo ngonyaka wezifundo ngamnye liya kusetyenziswa ekubaleni inkxaso-mali, i-50% yesabelo senkxaso-mali iya kuhlawulwa njengesixa sesavenge sika-Apreli size isixa esiseleyo esiyi-50% sihlawulwe njengesixa sesavenge sika-Oktobha.
Inkqubo entsha yokusetyenziswa kwekhompyutha (automated process) ukuqwalasela izicelo zamabango enkxaso-mali yeBakala R esebenzisa i-CEMIS iya kuqaliswa. Le nkqubo yokusetyenziswa kwekhompyutha iya kuwuphucula umgangatho wedatha ngokuzithatha (extracting), ukuzifaka (capturing) nangokuzingqinisisa (verifying) kwisistim izicelo zenkxaso-mali yeBakala R esikolweni, kwisithili nakwaNdlunkulu. Oku kuya kungena endaweni yenkqubo yangoku yamabango enkxaso-mali eyenziwa ngesandla. Enye imbalelwano ngale nkqubo intsha yokusetyenziswa kwekhompyutha iya kulandela ngo-2017. |
| 4. | Izikolo ezingahlawulisi fizi ezifundisa iBakala R
Izikolo ezingahlawulisi zifizi ezifumana inkxaso-mali yeBakala R kuRhulumente azivumelekanga ukuhlawulisa fizi zesikolo kubafundi beBakala R (khangela uxwebhu i-National Financial Management Guidelines in Respect of Schools Offering Grade R Classes, October 2009, ikhasi 4). Abazali basengacelwa benze igalelo ngokuzithandela (voluntary contributions). Ezi ntlawulo azinyanzelekanga yaye akuvumelekile ukuba zisetyenziselwe ukuvalela ngaphandle abafundi abanabazali abangenako ukwenza igalelo elilolu hlobo. |
| 5. | Usetyenziso lwesabelo senkxaso-mali yeBakala R |
| 5.1 | Umvuzo wepraktishina yeBakala R Kukhunjuzwa izikolo ukuba iipraktishina zeBakala R kuzo zonke izikolo mazifumane isabelo senkxaso-mali epheleleyo eyi-80% nesihlawulwa kabini ngonyaka ngomatshini. Amabhunga olawulo ezikolo ze-NQ4 no-NQ5 makawongeze umvuzo wepraktishina yeBakala R ukwenzela ukuba ipraktishina ifumane isixa esingaphezulu kwesona sixa somvuzo sisezantsi se-R7 964 ngenyanga. Iipraktishina zeBakala R kwizikolo ezingahlawulisi fizi zinelungelo lokufumana isixa esipheleleyo esiyi-80% senkxaso-mali. |
| 5.2 | Izibonelelo zokuxhasa ukufunda nokufundisa (LTSM) Yi-10% yenkxaso-mali eyabelwa i-Learning and Teaching Support Material (LTSM) kubandakanywa i-LTSM esetyenziswa ngaphakathi nangaphandle eklasini, elungiselelwe abafundi beBakala R. |
| 5.3 | Iindleko zokwenza umsebenzi Enye i-10% yenkxaso-mali yabelwa ukuhlawula ii-akhawunti zeenkonzo (utility accounts) zeziko ezifana neentlawulo zeefoni, ii-akhawunti zamanzi nezombane, oomatshini bokufotokopa nokuprinta, izinto zokucoca nokulondoloza iiklasi zeBakala R, nazo naziphi ezinye iinkonzo ezifunwa yipraktishina yeBakala R. |
| 6. | Iimfuno zokunika ingxelo
Makulandelwe iimfuno ezimiselweyo zokunika ingxelo eziqhelekileyo njengoko zixeliweyo zii-ofisi zezithili, ukuqalisa ukwenza intlawulo yenkxaso-mali elandelayo. |
| 7. | Iileta zesabelo-mali sokugqibela
Iileta zezabelo zokugqibela (ezisuselwa kumanani obhaliso esaveyi ye-SNAP (SNAP survey enrolment) ziya kupapashwa kwi-CEMIS ungadlulanga owe-17 Matshi 2017. |
| 8 | Iinombolo zoqhagamshelwano xa unemibuzo
|
|||||||||
ISAYINWE: NGU-BK SCHREUDER
INTLOKO EBAMBELEYO: YESEBE LEMFUNDO
UMHLA: 2016:09:23
