| 1. |
ISebe leMfundo leNtshona Koloni (iSebe iWCED) ngokwenjenje libonelela ngesi sikhokelo silandelayo simalunga nokufakwa kwee-cellular masts nee-base stations kumasango esikolo sikarhulumente. |
| 2. |
Amabhunga olawulo ezikolo zikarhulumente ezikwipropathi karhulumente makafake isicelo semvume yokufakwa okucetywayo kwe-cellular mast ne-base stations kumasango esikolo ngokungqinelana neSetyhula 0032/2012. |
| 3. |
Isicelo masingeniswe sikwiletahedi yesikolo, sihambe kunye nala maxwebhu alandelayo: |
| 3.1 |
Imizuzu yentlanganiso apho ibhunga lolawulo livumayo ukuba kufakwe i-cellular masts ne-base stations kumasango esikolo eso; kunye |
| 3.2 |
Neleta esayinwe ngusihlalo webhunga lolawulo ebonisa igama nesikhundla selungu lebhunga lolawulo eligunyaziswe ukuba lisayine amaxwebhu ale projekthi egameni lebhunga lolawulo. |
| 4. |
Ibhunga lolawulo linokungena kwimvumelwano yengqeshiso elibophelelayo ngokusemthethweni nababoneleli-nkonzo bonxibelelwano ngeeselula (cellular network providers) malunga nokufakwa kwee-cellular masts nee-base stations kumasango esikolo, ngokuxhomekeke kule miqathango ilandelayo: |
| 4.1 |
Makusetyenziswe imvumelwano yengqeshiso ebonelelwe liSebe iWCED.
|
| 4.2 |
Ithuba lemvumelwano yengqeshiso malingadluli kwithuba elimiselweyo kwimvumelwano yengqeshiso (lease agreement) kodwa umenzi-sicelo uya kunikwa ithuba lokukhetha ukuyihlaziya imvumelwano yengqeshiso. |
| 4.3 |
Irenti yaqho ngenyanga ehlawulwa ngumboneleli-nkonzo wonxibelelwano ngeeselula (cellular network providers) wabucala, mayihlawulwe kwi-akhawunti yebhanki yesikolo. Ezi mali mazisetyenziselwe iinjongo zezemfundo. |
| 4.4 |
I-cellular mast ne-base station mazibiyelwe ngokukhuselekileyo (ucingo lokhuseleko lufanele ukuba bubude obuziimitha eziyi-1.8 obona bude busezantsi) ukwenzela ukuthintela abafundi ukuba basondele kakhulu kwi-cellular masts okanye kwi-base stations. |
| 4.5 |
Mazibekwe kude kakhulu kwisakhiwo sesikolo (kwizakhiwo zesikolo) ii-cellular masts nee-base stations kangangoko kunokwenzeka yaye kukhethwa ukuba zibe kwindawo esekoneni apha kwisiza sesikolo nengasemva kwesakhiwo (kwezakhiwo zesikolo), esingundoqo sesikolo. |
| 4.6 |
Ukuba kunokufuneka umbane (electrical current), loo mbane awunakubonelelwa sisikolo. Makuthethwe namagunya engingqi malunga nesibonelelo esahlukeneyo sombane ngeendleko zomboneleli-nkonzo wonxibelelwano ngeeselula. |
| 4.7 |
Umboneleli-nkonzo wonxibelelwano ngeeselula makazibophelele ekubeni uya kuyisusa i-cellular mast okanye i-base station, ngeendleko zakhe zingekapheli iintsuku ezingamashumi amathandathu (60) emva kokuba liphelile ithuba lemvumelwano yengqeshiso. |
| 4.8 |
Ukuba uphando lunika ubungqina bokuba kwixesha elizayo ezi cellular masts okanye ii-base stations zikhupha imitha ye-radiation eyingozi kwimpilo yabantwana nakubahlali abahlala kufuphi nezi cellular masts ne-base stations, iSebe iWCED nezikolo ezichaphazelekayo azinakubekwa tyala ngazo zonke iindleko zokumangalelwa nezonyango ezimalunga noku. Ezi ndleko mazihlawulwe liGosa eliyiNtloko leSigqeba soLawulo naMalungu eQumrhu lomboneleli-nkonzo wonxibelelwano ngeeselula, o.k.t. abanini be-cellular masts ne-base stations. |
| 4.9 |
Kucelwa ababoneleli-nkonzo bonxibelelwano ngeeselula abangena kwimvumelwano namabhunga olawulo bawaqwalasele amagatya 7.21 no-7.22 emvumelwano yengqeshiso (efumaneka kwiCandelo loCwangciso noLawulo lweZiseko zoPhuhliso) ajongene namaqondo e-radiation, ingxelo engawo nokubekwa kwawo esweni). |
| 5. |
Iyathakazelelwa intsebenziswano yenu ngokumalunga noku. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2016:06:23
|
 |