1. TOEGANG TOT INLIGTING
1.1 Die norme en standaarde (N&S)-toewysing vir graad R vir die boekjaar wat strek vanaf 01 April 2016 tot 31 Maart 2017 is op SOBIS beskikbaar. Toegang kan daartoe verkry word deur die volgende te doen:
Teken aan op SOBIS.
Kliek "Proceed".
Beweeg die pyltjie oor die "Administration"-keuse-item en kliek op "Norms and Standards Allocation".
Kies "N&S 2016".
Druk die blad.
1.2 U aandag word op die volgende gevestig:
Toewysings word bereken volgens die Nasionale Norme en Standaarde vir graad Rbefondsing, soos gewysig in Staatskoerant No. 29179 van 31 Augustus 2006.

Die toewysingsbrief sluit 'n gedetailleerde uiteensetting van die geprojekteerde toewysing vir die 2016/17-boekjaar in, asook voorlopige toewysings vir die volgende twee boekjare, nl. 2017/18 en 2018/19.
Alle toewysings is bereken op grond van die leerderinskrywings soos op 31 Julie 2015 op SOBIS.

2. BEREKENING VAN GRAAD R-TOEWYSING
2.1 Goedkeuring is verleen om die volgende subsidie vir leerders in goedgekeurde graad R-klasse by gewone openbare skole en geregistreerde vroeëkindontwikkelingsentrums en onafhanklike plekke vanaf 01 April 2016 te betaal.
2.1.1 Gewone openbare skole (alle staatsbeheerde skole wat graad R aanbied):
Subsidie per kapita:

Nasionale Kwintiel (NK) Skoolgeldstatus van die inrigting Bedrag betaalbaar per leerder per dag
NK1 Geen skoolgeld R 24
NK2 Geen skoolgeld R 24
NK3 Geen skoolgeld R 24
NK4 Geen skoolgeld R 24
NK5 Geen skoolgeld R 24
NK4 Skoolgeld gevra R 18
NK5 Skoolgeld gevra R 17

LOOM-toewysing:
Vir geenskoolgeldskole is 'n bedrag van R2 000 per maand betaalbaar vir elke klas wat aangebied word deur 'n opvoeder wat deur Wes-Kaap Onderwysdepartement (WKOD) betaal word.

Minimum toewysing:
Alle gewone openbare skole met minder as 25 leerders is daarop geregtig om 'n minimum subsidie van R112 320 per jaar te ontvang.
2.1.2 Openbare preprimere skole:
Elke openbare preprimere skool sal 'n norme-en-standaarde-toewysing van R17 per leerder ontvang.
2.1.3 Onafhanklike plekke (alle privaat beheerde skole wat graad R aanbied):
Subsidie per kapita:

Nasionale Kwintiel (NK) Skoolgeldstatus van die inrigting Bedrag betaalbaar per leerder per dag
NK1 Geen skoolgeld R 24
NK2 Geen skoolgeld R 24
NK3 Geen skoolgeld R 24
NK4 Geen skoolgeld R 24
NK5 Geen skoolgeld R 24
NK4 Skoolgeld gevra R 18
NK5 Skoolgeld gevra R 17
2.2 Alle graad R-leerders moet op SOBIS geregistreer wees om vir 'n subsidie te kwalifiseer.

3. BETALINGSKEDULE

Die getal goedgekeurde skooldae per akademiese jaar sal gebruik word by die berekening van die subsidie, waarvan 50% van die toewysing in April en die oorblywende 50% in Oktober betaal sal word.

April-tranche = Kwartaal 2 en 3 van 2016-skooljaar
Oktober-tranche = Kwartaal 4 van 2016-skooljaar en Kwartaal 1 van 2017-skooljaar

'n Nuwe geoutomatiseerde proses vir graad R-subsidie-eisaansoeke via SOBIS sal in die 2016-skooljaar bekendgestel en vanaf die 2016/17-boekjaar geimplementeer word. Hierdie geoutomatiseerde proses sal datagehalte verbeter deur graad R-subsidieeisaansoeke op skool-, distriks- en Hoofkantoorvlak uit te haal, vas te le en te verifieer. Dit sal die huidige proses waar subsidie-eise per hand verwerk word, vervang. Verdere kommunikasie oor die nuwe geoutomatiseerde proses sal in 2016 volg.

4. GEENSKOOLGELDSKOLE WAT GRAAD R AANBIED

Geenskoolgeldskole wat graad R-befondsing van die staat ontvang, mag nie skoolgeld van graad R-leerders te eis nie (Sien Riglyne vir Nasionale Finansiele Bestuur ten opsigte van Skole wat graad-R klasse Aanbied, Oktober 2009, bladsy 4).

Ouers kan versoek word om vrywillige bydraes te maak. Hierdie bydraes is nie verpligtend nie en mag nie gebruik word om leerders uit te sluit omdat hul ouers nie sodanige bydraes kan maak nie.

5. GEBRUIK VAN GRAAD R-TOEWYSING
5.1 Salaris van die graad R-praktisyn
Skole word daaraan herinner dat graad R-praktisyns by alle skole die volle 80% subsidietoewysing wat twee keer per jaar oorgeplaas word, moet ontvang.
Beheerliggame van NK 4- en NK 5-skole word versoek om die graad R-praktisyn se salaris te vergroot sodat die praktisyn meer as die minimumbedrag van R7 360 per maand kan ontvang.
Graad R-praktisyns by geenskoolgeldskole is op die volle 80% van die subsidie geregtig.
5.2 Leer- en onderrigondersteuningsmateriaal (LOOM):
10% van die subsidie is vir Leer- en onderrigondersteuningsmateriaal (LOOM) toegewys, insluitend binnenshuise en buitenshuise LOOM tot voordeel van graad R-leerders.
5.3 Bedryfskoste:
Die ander 10% van die subsidie word toegewys vir die betaling van die inrigting se nutsrekeninge, soos telefoonrekeninge, water- en elektrisiteitsrekeninge, kopieer- en drukwerk, skoonmaakmiddels vir en instandhouding van die graad R-klaskamer(s), en enige ander dienste wat deur die graad R-praktisyn verlang word.

6. RAPPORTERINGSVEREISTES

Soos deur die distrikskantore gekommunikeer is, moet normale rapporteringsvereistes eerbiedig word om die volgende subsidiebetaling te bewerkstellig.

7. FINALE TOEWYSINGSBRIEF

Die finale toewysingsbriewe (gebaseer op die SNAP-opname-ingeskrewenes) sal teen 31 Maart 2016 op SOBIS gepubliseer word.

8. KONTAKNOMMERS VIR NAVRAE

Onderwerp Naam Telefoonno.
Graad R-subsidietoewysings: Algemene navrae: Me N Ncede
Me M Munnik
Mnr S Ruka		 021 467 2071
021 467 2196
021 467 2657
Oordragbetalings aan skole (N&S- toewysings) Kontak die tersaaklike Adjunk-hoofonderwyskundige op distriksvlak.


GETEKEN: PA VINJEVOLD
HOOF: ONDERWYS
DATUM: 2016:02:03