1. Neem asseblief kennis van 'n geringe wysiging ten opsigte van die tydsraamwerk om toelating vir 2017/18.
2. Hierdie wysiging moet saamgelees word met Omsendbrief 0040/2016 wat van toepassing is op aansoeke wat in 2017 vir toelating tot gewone openbare skole in 2018 ontvang word.
3. Die tydsraamwerk vir skole om ouers oor die uitkoms van aansoeke in te lig is tot 03 Junie 2017 verleng.
4. Skole moet ook teen 03 Junie 2017 die uitkoms van alle aansoeke wat op die skooltoelatingsbestuursinligting- (SAMI)-stelsel ontvang is, aandui.
5. Hierdie wysiging is ingestel om skole meer tyd te gee om aansoeke te verwerk, gegewe die groot volumes wat skole ontvang.
6. Die res van die datums, soos uiteengesit in Omsendbrief 0040/2016, bly dieselfde.

Aktiwiteit Datum
Skole verwerk beplande inskrywings op SAMI. 30 Januarie 2017
Skooltoelatings open (alle gewone openbare skole). 06 Februarie 2017
Skooltoelatings sluit (alle gewone openbare skole). 24 Maart 2017
Ouers word per gewone pos (brief) oor die uitkoms ingelig. 03 Junie 2017
Ouers bevestig aanvaarding. 30 Junie 2017
Skole vul beskikbare plekke. 3de Kwartaal 2017
7. Bring asseblief die inhoud van hierdie omsendbrief onder die aandag van alle betrokkenes.


GETEKEN: LJ ELY
WAARNEMENDE HOOF: ONDERWYS
DATUM: 2016:11:18