| 1. |
'n Groot deel van norme-en-standaarde-befondsing word jaarliks gebruik om leerders in alle grade van handboeke te voorsien. |
| 2. |
Prinsipale, onderwysers, leerders en ouers is verplig om na hierdie boeke om te sien en hierdie boeke te herwin sodat dit oor 'n tydperk van 3 tot 4 jaar gebruik kan word. |
| 3. |
Die Wes-Kaap Onderwysdepartement is verplig om jaarliks 'n verslag oor die herwinning van handboeke aan die Departement van Basiese Onderwys voor te lê en om vir ouditdoeleindes rekord te hou. |
| 4. |
'n Baie basiese verslag is op SOBIS geskep sodat skole kan aandui hoeveel handboeke aan leerders uitgereik en hoeveel per graad herwin is. |
| 5. |
Skole word versoek om die verslag tussen 18 November 2016 en 08 Desember 2016 op SOBIS te voltooi en af te teken. |
| 6. |
Om toegang tot die vasleggingskerm op SOBIS te verkry, gaan na:
- die "Administration" oortjie; en
- kies "Textbook Retrievals" in die aftreklys en voltooi.
|
| 7. |
Bring asseblief die inhoud van hierdie omsendbrief onder die aandag van alle betrokkenes. |
GETEKEN: L ELY
WAARNEMENDE HOOF: ONDERWYS
DATUM: 2016:11:17
|
 |