| 1. |
Soos uiteengesit in Omsendbrief S17 van 2015, sal die Departement van Basiese Onderwys (DBO) werkboeke vir die 2017 skoolkalenderjaar druk en aan alle openbare skole (gewone en spesiale skole) in die Wes-Kaap versprei.
Die volgende boeke sal direk by skole afgelewer word:
- Graad R-werkboeke;
- Graad 1 tot 6 Huistale;
- Graad 1 tot 3 Wiskunde in die taal van onderrig en leer (TOL);
- Graad 4 tot 9 Wiskunde in Engels en Afrikaans;
- Graad 1 tot 6 Eerste Addisionele Taal in Engels; en
- Graad 1 tot 3 Lewensvaardighede in die taal van onderrig en leer (TOL).
Volume 1 vir 2017 (Kwartale 1 en 2) en graad R sal teen 22 September 2016 by alle skole afgelewer word.
Volume 2 vir 2017 (Kwartale 3 en 4) sal teen 02 Desember 2016 by alle skole afgelewer word.
|
| 2. |
Gedurende Maart 2016 is die Wes-Kaap Onderwysdepartement (WKOD) versoek om die DBO van die geprojekteerde leerdergetalle te voorsien vir werkboeke wat vir 2017 gedruk en afgelewer moet word. Die leerdergetalle wat aan die DBO voorsien is, is gebaseer op die betrokke SOBIS inligting wat op daardie tydstip beskikbaar was. |
| 3. |
Die getal werkboeke wat by elke skool afgelewer moet word, stem ooreen met die leerdergetalle wat deur die WKOD aan die DBO voorsien is. Die getal werkboeke wat skole volgens graad vanaf die DBO vir aflewering kan verwag, kan op die LOOM (KABV-handboeke) webblad op die WKOD se webwerf besigtig word (die webwerf se adres is http://wcedonline.pgwc.gov.za/branchPS/LTSM/index.html). |
| 4. |
'n Riglyndokument wat die prosedure voor en tydens die aflewering van die werkboeke uiteensit, is as Bylaag A by hierdie omsendbrief aangeheg. |
| 5. |
Wanneer die werkboeke deur die DBO-diensverskaffer afgelewer word, word van skole verwag om die getal werkboeke wat afgelewer word met die getalle wat op die bogenoemde webwerf voorsien is, te vergelyk. Enige aflewerings in foutiewe tale of enige tekorte moet op die afleweringsbewys (AB) aangedui en met die diensverskaffer wat die werkboeke namens die DBO afgelewer het, opgeneem word. |
| 6. |
Die DBO laai die AB van elke skool op by http://www.schoolmaster.org.za en skole en distrikte word aangemoedig om toegang tot hierdie webwerf te verkry om die afleweringsbesonderhede te verifieer. Die skool se OBIS-nommer kan gebruik word om op die webwerf aan te teken. |
| 7. |
Gedurende Oktober 2016 sal daar van alle skole waar handboeke afgelewer is verwag word om toegang tot die SOBIS te verkry om die geprojekteerde leerdergetalle vir 2017 en die werklike getal werkboeke van elke vak wat vanaf die DBO ontvang is, volgens graad vas te le. In die proses sal tekorte en surplusse geidentifiseer en aan die distrikte gekommunikeer word. Die verslag sal op EduInfoSearch beskikbaar wees. |
| 8. |
Betrokke distriksamptenare sal vir die fasilitering van die verspreiding van werkboeke wat as tekorte geidentifiseer is, verantwoordelik wees. |
| 9. |
Bring asseblief die inhoud van hierdie omsendbrief onder die aandag van alle betrokke personeel. |
GETEKEN: PA VINJEVOLD
HOOF: ONDERWYS
DATUM: 2016:08:01
|
 |