| 1. |
Le program yoKunyanga iiNtshulube (Deworming Programme) linyathelo lentsebenziswano phakathi kweSebe leMfundo esiSiseko (DBE) neSebe lezeMpilo. Kucelwa ungene kwiziko lewebhu leDBE ukufumana ingcaciso engokubaluleka kokunyangwa kweentshulube kwakunye nemiba enxulumene noko.
|
| 2. |
Abafundi abathagethiweyo kweli phulo baquka abafundi bamaBakala R - 7 abakwizikolo zikarhulumente ezikumanqanaba 1-3 entlupheko kungokunje nabakwizikolo zemfundo eneemfuno ezizodwa zikarhulumente. Amalungiselelo angamanye aya kwenzelwa abo bafundi bangekhoyo ngolo suku lokunyangwa kweentshulube. Izikolo zifanele ukuqhagamshelana nonesi ngokumalunga noku. |
| 3. |
Ukunyangwa kweentshulube ezikolweni kuya kwenziwa ngethuba elinye nePhulo le-Human Papillomavirus Vaccination (HPV) Campaign ukususela nge-16 Februwari ukuya kwi-11 Matshi 2016. Kubalulekile ukuba ithathelwe ingqalelo le ngcaciso ilandelayo: |
| 3.1 |
Oonesi baya kusebenza kwizikolo ezisebenzisanayo yaye baya kubeka iliso ngokungathanga ngqo kwindlela abayinikwa ngayo ipilisi abafundi. Oonesi baya kuzinikezela kwiinqununu iipilisi yaye baya kuba kweso sikolo ngethuba lokunyangwa kweentshulube. |
| 3.2 |
Ukunyangwa kweentshulube kuya kwenziwa ngootitshala kubafundi. |
| 3.3 |
Ziyacelwa iinqununu zithumele ezi fom ziqhotyoshelweyo kubazali kwakunye neleta enengcaciso eya kubazali. Ifom yemvume enikwa ngabazali mayibuyiswe engaphelanga uJanuwari 2016. Iifom kufanele zenziwe zifumaneke xa ziceliwe ngethuba lenkqubo yokunyanga iintshulube. Inqununu mayizigcine zonke iifom zemvume kangangethuba leminyaka emihlanu. |
| 3.4 |
Apho abazali bangayinikanga imvume, abafundi abayi kunyangwa iintshulube. |
| 4. |
Uqeqesho malunga nokuqhutywa kwale nkqubo luya kudluliselwa kubo bonke ootitshala abakwizikolo ezithagethiweyo. Zonke izikolo ziya kufumana ipakheji yoqeqesho. |
| 5. |
Iya kuthakazelelwa intsebenziswano yenu malunga noku. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:12:01
|
 |