1. |
Iindima nemisebenzi ye-ofisi yesithili kukuncedisa nokunika inkxaso amaziko ukwenzela ukuba akwazi ukubonelela ngemfundo ekumgangatho ophezulu. |
2. |
Ngowe-03 Apreli 2013 kwiGazethi kaRhulumente No. 36324, iSebe leMfundo esiSiseko lapapasha umgaqo-nkqubo obizwa The Organisation, Roles and Responsibilities of Education Districts, ukukhuthaza ukufana kwezitrakstha nakumagama ezikhundla (nomenclature) kwizithili ngokubanzi kumaphondo asithoba. |
2.1 |
Lo mgaqo-nkqubo ubangele ukuba iSebe leMfundo leNtshona Koloni (WCED) lizijongisise isitraktsha ezikhoyo zezithili ukuqinisekisa ukuba zingqinelaniswe nemimiselo nemigangatho emitsha yee-ofisi zezithili. |
2.2 |
Ngo-2015 iSebe iWCED laqalisa inkqubo yothetha-thethwano echaphazela imibutho yootitshala (teacher unions), abasebenzi bezithili nemibutho yamabhunga olawulo. |
3. |
Isitraktsha esikhoyo seekomiti zeesekethe eziyi-49 siya kuchithwa ngowe-31 Disemba 2015 yaye indawo yaso iya kuthathwa ziisekethe eziyi-64 ngo-2016. |
3.1 |
Isekethe nganye iya kulawulwa nguMphathi weSekethe oya kubonelela ngenkxaso kumaziko. |
3.2 |
Ngenxa yokwanda kwenani leesekethe, ezinye izikolo ziya kufakwa kwiisekethe ezahlukileyo ukususela nge-01 Januwari 2016. |
3.3 |
Le nkqubo ikwabangele nokuba imida yezithili ihlenga-hlengiswe, apho izikolo eziyi-49 ziya kusiwa kwisithili esahlukileyo ngo-2016. Zonke iinguqu ezimalunga noku ziya kwaziswa izikolo ngabalawuli bezithili. |
4. |
Izithili sele ziyiqalisile le nkqubo yokwazisa amaziko ngeenguqu ezilindelekileyo nangeendidi zenkxaso eziya kubonelelwa kwisigaba seenguqu (transitional phase). |
5. |
Yonke imibuzo malunga nokufakwa kwezikolo kwizithili (circuit allocations), imida yezithili nangenkxaso enikwa izikolo, ifanelwe ukubhekiswa kumlawuli wesithili ochaphazelekayo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:11:20
|
|