| 1. |
Isixa esikhulu semimiselo nemigangatho yolwabiwo-mali sisetyenziswa qho ngonyaka ukunika abafundi iincwadi zezifundo kuwo onke amabakala. |
| 2. |
Kunyanzelekile ukuba iinqununu, ootitshala, abafundi nabazali bazinonophele ezi ncwadi zezifundo yaye bazibuyise ezi ncwadi ukwenzela ukuba ziphindwe zisetyenziswe kwithuba leminyaka emi-3 ukuya kwemi-4 yethuba lokusetyenziswa kwazo. |
| 3. |
ISebe leMfundo leNtshona Koloni kufuneka lingenise ingxelo yaqho ngonyaka ngokugcinwa kweencwadi zezifundo nokubuyiselwa kwazo kwiSebe leMfundo esiSiseko nokuba lizigcine iirekhodi ukwenzela iinjongo zokuphicothwa kweencwadi. |
| 4. |
Kwenziwe ingxelo esisiseko engeencwadi zezifundo kwiCEMIS ukwenzela ukuba izikolo zixele ukuba zingaphi na iincwadi ezakhutshelwa abafundi yaye zingaphi na ezabuyiswayo ngebakala ngalinye. |
| 5. |
Ziyacelwa izikolo ziyizalise yaye ziyisayinele le ngxelo kwiCEMIS phakathi kwe-01 ukuya kwi-15 Disemba 2015. |
| 6. |
Ukufikelela kwiskrini i-capture screen kwiCEMIS yiya ku:
- "Administration" tab; uze
- Ukhethe u-"Textbook Retrievals" kwi-drop down menu uze uyizalise ingxelo.
|
| 7. |
Kucelwa wazise okukule setyhula bonke abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:11:06
|
 |