1. Injongo yale setyhula kukwazisa amagosa ngeenkqubo ezifanelekileyo emazilandelwe ekufakeni isicelo sendawo yokupaka iindwendwe kwisakhiwo iGrand Central Towers ne-Golden Acre Shopping Centre eKapa.

2. Le setyhula ithatha indawo yeSetyhula 0005/2002 ngokupheleleyo.

3. ISebe leMfundo leNtshona Koloni (iSebe iWCED) lirenta iindawo eziyi-12 zokupaka izithuthi (parking bays) ukulungiselela iindwendwe eGrand Central Towers, kumgangatho wokupaka wesibini (P2), lo gama kungekho zindawo zifumanekayo zibekelwe ukupaka (designated parking bays) iindwendwe ezize eGolden Acre Shopping Centre. Ukuqinisekisa ukuba kuphela ziindwendwe ezigunyazisiweyo kwiSebe iWCED ezisebenzisa ezi fasilithi zokupaka zikhoyo nokuqinisekisa ukuba kukho amanyathelo okunciphisa iindleko asebenzayo, kuqaliswe la manyathelo olawulo alandelayo akhankanywe kwimihlathi 4-9.

4. Ezi nkqubo zilandelayo zisebenza eGrand Central Towers:
4.1 Izicelo zeendawo zokupaka iindwendwe eGrand Central Towers mazingeniswe ngencwadi ebhaliweyo kwiCandelo loLawulo loQhagamshelwano lwaBathengi naBathengisi, kwiCandelwana i-Logistical Support Services, kwiiyure eziyi-24 phambi kolo kotyelelo lucetywayo. Yile fom yesicelo iqhotyoshelweyo kuphela efaneleke kwiindwendwe ezipaka eGrand Central Towers, emayizaliswe ngokufanelekileyo lundwendwe okanye ligosa elichaphazelekayo elityelelwayo ize ifekselwe apha 021 483 7658 okanye isiwe ngesandla kwa-Room 6-09 e-Grand Central Towers. (Izicelo zefoni zokugcinelwa indawo yokupaka (telephonic reservations) kwangaphambili, ziya kwenziwa kuphela kwiimeko ezingxamisekileyo.)
4.2 Umenzi-sicelo uya kuthi emva koko aziswe ngefoni okanye nge-imeyili, kusuku oluphambi kokuba ifuneke indawo yokupaka, ukuba ngaba isicelo sivunyiwe. Iinombolo zeendawo zokupaka ezibekelwe iindwendwe ziya kubonelelwa xa sivunyiwe isicelo eso.
4.3 Undwendwe kufuneka lucofe iqhosha elibomvu kumatshini okhupha itikiti lokupaka (parking ticket dispenser), luthathe itikiti lokwamkelwa ukuba lupake luze luye kupaka kwenye yezo ndawo zibekelwe ukupaka.
4.4 Ngethuba lotyelelo, igosa okanye undwendwe kufuneka libe netikiti lokupaka elifakwe istampu laza lasayinwa kwa-Room 6-09 yaye xa luphumayo kwisakhiwo, malunike umsebenzi ojongene neendawo zokupaka (parking attendant) elo tikiti. Ixesha eliqingqiweyo elamkelekileyo ngethuba lokusayinwa nokufakwa kwesitampu kwamatikiti okupaka iindwendwe e-Grand Central Towers ngu-16:00.

5. Kusebenza ezi nkqubo zilandelayo eGolden Acre Shopping Centre:
5.1 Undwendwe okanye igosa elindwendweleyo maliqhagamshelane nonobhala oyi-PA yelo Candelo lindwendwelweyo.
5.2 Undwendwe kufuneka lucofe iqhosha eliluhlaza kumatshini okhupha itikiti lokupaka (parking ticket dispenser) kwigaraji yokupaka, luthathe itikiti lokwamkelwa ukuba lupake luze luye kupaka nakweyiphi na indawo efumanekayo ephawulelwe ukupaka engabekelwanga abathile (unreserved parking bay). Ukupaka kwiindawo yokupaka egcinelwe okanye ebekelwe abathile akuvumelakanga konke.
5.3 I-PA inegunya lokufaka isitampu nokulisayina itikiti lokupaka lendwendwe yaye xa luphumayo kwisakhiwo undwendwe kufuneka lunike umsebenzi ojongene neendawo zokupaka (parking attendant) elo tikiti ligunyazisiweyo. Ixesha eliqingqiweyo elamkelekileyo ngethuba lokusayinwa nokufakwa kwesitampu kwamatikiti okupaka iindwendwe e-Golden Acre Shopping Centre ngu-16:00.

6. Iindwendwe eziza eGrand Central Towers naseGolden Acre Shopping Centre ezingazithobeliyo ezi nkqubo zichazwe apha ngasentla, mazingaze zipake kwiindawo zokupaka zaseburhulumenteni zeSebe iWCED yaye ziya kuthwaliswa uxanduva zona buqu lokuhlawula iintlawulo zokupaka ezifanekileyo. Izithuthi zeendwendwe eziza kwisakhiwo ezipaka kwindawo egcinelwe abathile okanye kwiindawo ebekelwe abathile (reserved or designated parking bays), ziya kufakwa iiklempu kumavili (wheel clamped) yaye iindwendwe kuya kufuneka zihlawule ifayini ukwenzela ukuba zisuswe iiklempu kumavili ngabasebenzi bokhuseleko lwesakhiwo.

7. Amalungiselelo acaciswe apha akasebenzi kwiinkampani nakwiinkonzo zekhuriya ezizisa iimpahla kwiSebe iWCED. Iinkampani ezilolu hlobo zimele zizihlawulele iintlawulo zokupaka zazo.

8. Amagosa enza amalungiselelo eemvumelwano zokuzisa iimpahla neenkonzo makachaze ngokubhala ngokucacileyo kwiinkcazo zeemvumelwano ukuba iintlawulo zokupaka ziya kuhlawulwa ngumthengisi.

9. Kubaluleke gqitha ukuba iindwendwe eziza eGrand Central Towers naseGolden Acre Shopping Centre, zahlukane nokupaka kwiindawo zokupaka ezibekelwe abathile (reserved parking bays) ezabelwe amagosa eSebe iWCED okanye ezinye iinkampani kwisakhiwo ezipaka kwindawo yokupaka egcinelwe abathile.

10. Iindawo zokupaka ezisisigxina (permanent parking bays) ezibekelwe amagosa aphezulu namagosa akhubazekileyo eSebe iWCED, mazenzelwe isicelo yaye zabiwa liSebe lezoThutho neMisebenzi kaRhulumente.

11. Amagosa afake isicelo sokugcinelwa indawo yokupaka isigxina e-Grand Central Towers naseGolden Acre Shopping Centre nasalinde idiski yokupaka ukungena nokuphuma kwigaraji yokupaka akavumelekanga enze amalungiselelo okusebenzisa indawo yokupaka iindwendwe njengoko kucacisiwe apha. Luxanduva lwegosa buqu ukufaka ibango leentlawulo zokupaka zemihla ngemihla ezisebenzayo kwibhajethi yenkxaso-mali eyi-travel and subsistence (S&T) budget yelo Candelo.

12. Ingozi enokwehlela izithuthi yeyabaninizo yaye iSebe iWCED alinako ukubekwa ityala ngawo nawuphi na umonakalo okanye iilahleko ezenzekayo.

13. Ukuba ufuna ingcaciso engaphezulu, unokuqhagamshelana nalo naliphi na igosa kula alandelayo kwaNdlunkulu:

Mnu CK Barron Inombolo yefoni 021 467 2789
Mnu JG Heath Inombolo yefoni 021 467 2797
Mnu MB Noboza Inombolo yefoni 021 467 2791
Nks E Santo Inombolo yefoni 021 467 2339

14. Iya kuthakazelelwa kakhulu intsebenziswano yenu ngokumalunga noku.


ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:07:20

"Application for temporary visitors parking in Grand Central Towers building"  (ubukhulu: 65 KB)