1. |
IZikolo eNtshona Koloni zilindeleke ukuba zinike umfundi obhalisiweyo ngamnye incwadi yesifundo kwisifundo ngasinye. |
2. |
Ukwenzela ukuqinisekisa ukuba bonke abafundi kwisikolo ngasinye banazo iincwadi zezifundo kwisifundo ngasinye ngo-2016, ziyacelwa iinqununu ukuba:
- ziqinisekise amanani obhaliso abafundi aqikelelweyo ngokwebakala ngalinye ukwenzela u- 2016; kunye
- nenani leencwadi zezifundo ekulindeleke ukuba zigcinwe ekupheleni kuka-2015.
Le ngcaciso iyimfuneko ukulungiselela uku-odolwa kweencwadi zezifundo zokongezelela nezokwanda kwamanani abafundi ngo-2016.
|
3. |
Izikolo zinoku-odola iincwadi zokongezelela zango-2016 phakathi koLwesithathu we-17 Juni 2015 noLwesithathu we-24 Juni 2015 zisebenzisa ifasilithi emiselwe liSebe leMfundo leNtshona Koloni (WCED). |
4. |
Iimali zemimiselo nemigangatho yolwabiwo-mali zezikolo ziya kusetyenziselwa ukuhlawulela iincwadi zezifundo zokongezelela nezamanani okwanda kwabafundi (top-up and learner growth textbooks) ngoJanuwari 2016. |
5. |
Ukuba izikolo zinezabelo zemimimiselo nemigangatho ezaneleyo ezifumanekayo ukuthenga iincwadi zezifundo zokongezelela nezokwanda kwamanani abafundi, makufakwe isicelo kwiSebe iWCED sokufuna uncedo lwezemali. Isicelo masizaliswe kwithemplethi eqhotyoshelweyo, yaye masibonise isixa-mali esikhoyo sesabelo semimiselo nemigangatho nesizathu sokucela uncedo lwezemali. Le themplethi mayisayinwe yinqununu yesikolo yaye iskenwe ize ithunyelwe nge-imeyili ku-: Aletta.Knipe@westerncape.gov.za |
6. |
Ziyakhuthazwa izikolo ukuba zenze amalungiselelo kwangaphambili yaye ziqalise ukuzifaka kwikhompyutha ii-odolo zazo zeencwadi zezifundo zokongezelela ezifunekayo ukuqalela ngosuku ekuvulwa ngalo isistim yekhompyutha (online system) ngowe-17 Juni 2015. |
7. |
Xa kungenwa kwi-CEMIS:
- Khetha u-"Administration" kwi-menu bar uze ukhethe u-"CAPS textbook top-up" kwi-drop down list;
- Imenu i-sub-menu iya kuvela yaye iya kukusa kwi-capture screen, naku-"How to guide"; yaye
- Ziyakhuthazwa izikolo zibe nolwazi ngokuqulethwe ku-"How to guide" phambi kokufaka ii-odolo ii-top-up textbook orders.
|
8. |
Kucelwa ufunde i-welcome note ne-guide kwi-CEMIS ukuqinisekisa ukuba ngubani na emakuqhagamshelwane naye ukuba kukho iingxaki ezithi zibekho ekufakeni ii-odolo zeencwadi zezifundo zokongezelela ii-top-up textbook orders. |
9. |
Yakuba ingqininisisiwe i-odolo kwikhompyutha yaza yasayinelwa, isikolo sifanele ukuprinta ikopi eliphepha ye-odolo engqinisisiweyo (verified order), siyitshekishe ukuba ichanekile na size siyifake kwiirekhodi zesikolo. |
10. |
Kucelwa wazise ngokuqulethwe kule setyhula bonke abasebenzi abachaphazelekayo ukuze bakuthathele ingqalelo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:06:08
|
|