| 1. |
Lo mgaqo-nkqubo uthatha indawo yoMgaqo-nkqubo weSebe leMfundo leNtshona Koloni ongeZikim zoThutho lwaBafundi weZikolo zikaRhulumente eziQhelekileyo (WCED Learner Transport Policy for Ordinary Public Schools), owawuthunyelwe ezikolweni kunye neSetyhula 0025/2013, yomhla we-30 Apreli 2013. |
| 2. |
Olu xwebhu lomgaqo-nkqubo lufakelwe izilungiso luqhotyoshelwe apha, lusebenza ngoko nangoko kuzo zonke izikolo zikarhulumente eziqhelekileyo zaseNtshona Koloni ezinezikim zothutho lwabafundi ezixhaswa ngemali liSebe leMfundo leNtshona Koloni (WCED). |
| 3. |
Kucelwa iinqununu zezikolo nabalawuli bezithili ukuba benze olu xwebhu lomgaqonkqubo lufumaneke kuwo onke amaqela achaphazelekayo, kubandakanywa namalungu amabhunga olawulo nabasebenzi abasezikolweni nabakwii-ofisi zezithili zemfundo abasingethe umcimbi wolawulo lwezikim zothutho lwabafundi. |
| 4. |
Bonke abasebenzi abachaphazelekayo mabafumane uqeqesho ukwenzela ukulondolozwa kokusebenza ngokufanelekileyo kwezikim zothutho lwabafundi. |
| 5. |
Mayilandelwe ngokuthe mbo imigqaliselo equlethwe kulo mgaqo-nkqubo uqhotyoshelweyo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:05:13
|
 |