| 1. |
Le setyhula iye yahlaziywa yaye itshitshisa iSetyhula 0027/2011 ne-0031/2011 ngokupheleleyo. |
| 2. |
Injongo yale setyhula kukwazisa amagosa ekufuneka ukuba basebenzise izithuthi zeGG ukuba i-Government Motor Transport (GMT) ikwiphulo lokufumana iinkcukacha ezipheleleyo zabo bonke abaqhubi bezithuthi zeGG ukwenza iziko ledatha yabaqhubi nokulilondoloza kwi-Fleetman (Fleet Management System); ukuthumela iileta zolwaphulo-mithetho yendlela ngqo kwigosa elichaneke ngokuthe ngqo nokwenzela iinjongo zokukhutshwa kweethegi zalowo nalowo mqhubi (iithegi eziblowu zeVDO) kumagosa abelwe izithuthi zeGG. |
| 3. |
Umthetho omtsha i-Administrative Adjudication of Road Traffic Offences Act (AARTO) ubeka uxanduva emagxeni abasebenzi abajongene nokusetyenziswa kwezithuthi zikarhulumente (vehicle fleet operators) ukufumana iinkcukacha ezichanekileyo zabaqhubi, ngokukodwa ezingokuqaliswa kwenkqubo entsha yokuxhuzulelwa amanqaku ngolwaphulo-mithetho yendlela (new de-merit system), ejoliswe kubaqhubi abenza izenzo zolwaphulo-mithetho yendlela. Oku kungakhokelela ekugqibeleni ekunqunyanyisweni okanye ekucinyweni ezincwadini kwelayisensi yomqhubi. Amagosa aneelayisensi zawo zokuqhuba zinqunyanyisiweyo okanye zicinyiweyo ezincwadini akavumelekanga ukuba aqhube izithuthi zeGG. |
| 4. |
Ngako oko ke kucelwa aBaphathi abaJongene noSetyenziso lweZithuthi (Responsibility Managers) neeNtloko zee-ofisi nezamacandelo ziqinisekise ukuba onke amagosa asebenzisa izithuthi zikarhulumente azalisa ifom yokungqinisisa iinkcukacha zabaqhubi eqhotyoshelweyo zize ziyithumele, ihanjiswa kunye namaxwebhu axhasayo aceliweyo kwifom, kwaNdlunkulu weWCED (For attention: Mr JG Heath, Room 6-09). |
| 5. |
Kuphela ziikopi ezicacileyo ezingqinisisiweyo zesazisi nelayisensi |
| 6. |
La maxwebhu afunekayo anako kwakhona ukuthunyelwa nge-imeyili kuye nawuphi na omnye wala magosa alandelayo kwaGovernment Motor Transport (GMT):
|
| 6.2 |
Kucelwa amagosa athumele nge-imeyili amaxwebhu askenwe ngokucacileyo angumbala (clearly scanned in colour) nge-compressed TIFF okanye i-PDF format neyeyona ndlela ikhethwayo. Uyakhunjuzwa isayizi yefayili eqhotyoshelweyo kumyalezo othunyelwe nge-imeyili mayingadluli kwi-50 000 KB (5 MB). |
| 7. |
Yakuphelelwa ilayisensi yomqhubi, makuthunyelwe ikopi yelayisensi yomqhubi ehlaziyiweyo kwiGMT ukwenzela ukuhlaziya iinkcukacha kwiziko ledatha yabaqhubi. |
| 8. |
Amagosa angazingenisanga iifom zawo okanye angabhaliswanga kwi-Fleetman system akasayi kunikwa gunya lokuba makaqhube izithuthi zeGG. I-Fleetman system ayisayi kuvumela magosa ajongene nezothutho ukuba akhuphele abaqhubi izithuthi zeGG ukuba ababhaliswanga kwisistim. |
| 9. |
Ukufumana ingcaciso engaphezulu, ungaqhagamshelana nalo naliphi na elinye lala magosa akwaNdlunkulu alandelayo:
| Mnu CK Barron |
|
Ifoni 021 467 2789 |
Mnu JG Heath |
Ifoni 021 467 2797 |
Mnu MB Noboza |
Ifoni 021 467 2791 |
Nks E Santo |
Ifoni 021 467 2339 |
|
| 10. |
Iya kuthakazelelwa kakhulu intsebenziswano yakho malunga noku. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2015:04:10
|
 |