1. Ingesluit is 'n afskrif van die finale rooster vir die Nasionale Senior Sertifikaat (NSS)-eksamen van Oktober – November 2015.
2. Die eksamen is geskeduleer om op 26 Oktober 2015 te begin en eindig op 27 November 2015. Die praktiese eksamens van Rekenaartoepassingstegnologie Vraestel 1 en Inligtingstegnologie Vraestel 1 sal op 19 en 20 Oktober 2015 onderskeidelik geskryf word.
3. Twee eksamensessies is vir elke dag geskeduleer. Die oggendsessie sal om 09:00 begin en die middagsessie om 14:00.
4. Normale klasse moet voortduur tot 16 Oktober 2015, om soveel onderrigtyd as moontlik te verseker. Prinsipale van skole mag kies om die graad 12-leerders van 2015 toe te laat om tuis te studeer vanaf 19 Oktober 2015 met die oog op voorbereiding vir die NSS-eksamen.
5. Prinsipale word versoek om alle roosterbotsings aan die WKOD te rapporteer. Sulke verslae moet skriftelik ingedien word teen Vrydag, 20 Maart 2015 by die volgende adres:

Hoof: Onderwys
Vir aandag: Mnr TJ Magwaca (Kamer 5-27)
Wes-Kaap Onderwysdepartement
Privaatsak X9114
KAAPSTAD
8000
Faksno. : 021 467 9370 / 086 6165 701
E-posadres: tebo.magwaca@westerncape.gov.za

6. Prinsipale moet alle kandidate wat die Nasionale Senior Sertifikaat-eksamen skryf inlig dat hulle hulle skooldrag moet dra vir elke eksamensessie, en dat hulle beskikbaar moet wees tot op die laaste dag van die skoolkwartaal (09 Desember 2015), indien dit om enige rede nodig sou wees om 'n bepaalde vraestel te herskeduleer.


GETEKEN: PA VINJEVOLD
HOOF: ONDERWYS
DATUM: 2015:03:02

Finale Eksamenrooster - Nasionale Senior Sertifikaat-eksamen  (grootte: 67 KB)