1. Die Ontwurmingsprogram is 'n gesamentlike aktiwiteit tussen die Departement van Basiese Onderwys (DBO) en die Departement van Gesondheid. Besoek gerus die DBO-webtuiste om meer oor die waarde van ontwurming en verwante kwessies te wete te kom.

2. Die teikenbevolking sluit in leerders in graad R tot 7 wat tans in kwintiel 1 tot 3 gewone openbare skole en spesiale openbare skole is. Alternatiewe reelings sal getref word vir leerders wat op ontwurmingsdag afwesig is. Skole moet die verpleegsters in verband met afwesige leerders kontak sodat hierdie leerders op 'n latere stadium ontwurm kan word.

3. Ontwurming in skole sal vanaf 16 Februarie tot 11 Maart 2016 in dieselfde tydperk as die Inentingsveldtog vir die Menslike Papiloomvirus (MPV) plaasvind. Die volgende inligting is belangrik:
3.1 Verpleegkundiges sal vir 'n skoolkluster verantwoordelik wees en sal indirek oor die toediening van die tablet toesig hou. Verpleegkundiges sal tablette aan die prinsipaal oorhandig en sal tydens die ontwurming op die perseel teenwoordig wees.
3.2 Alle ontwurming sal deur opvoeders gedoen word.
3.3 Prinsipale word versoek om die aangehegte toestemmingsvorms aan ouers te stuur, asook die ouerinligtingsbrief. Die ouertoestemmingsvorm moet teen die einde van Januarie 2016 teruggestuur word. Toestemmingsvorms moet op versoek tydens die ontwurmingsproses beskikbaar gestel word. Die prinsipaal moet alle toestemmingsvorms vir 'n tydperk van vyf jaar hou.
3.4 Indien ouers nie toestemming gee nie, sal leerders nie ontwurm word nie.

4. Orientering sal na alle opvoeders in die geteikende skole oorgedra word. Alle skole sal 'n opleidingspakket ontvang.

5. U samewerking in hierdie verband word op prys gestel.


GETEKEN: PA VINJEVOLD
HOOF: ONDERWYS
DATUM: 2015:12:01

Geïntegreerde skoolgesondheidsprogram toestemmingsvorm  (grootte: 37 KB)